Ribadeo, 13 de abril de 2016. A cuarta edición das xornadas gastronómicas denominadas Quincena del Mar, que organizan os restaurantes ribadenses San Miguel, Marinero e La Solana, desenvolverase desde este venres 15 ata o 29 deste mes. O primeiro día ás oito e media da tarde haberá unha presentación do evento aberta ao público e con degustación gratuíta, que se celebrará na sede do Real Club Náutico de Ribadeo, no porto de Porcillán.
O responsable do restaurante Marinero, Roberto Rivas, explicou que “vamos exaltar por cuarto ano consecutivo os restaurantes que estamos no porto de Ribadeo os produtos do mar que temos nesta zona. Gústanos facer isto unha vez ao ano con distintos pratos de pescados e algún marisco para a xente poida degustalos”.
O propietario e xefe de cociña do restaurante La Solana, José Blanco, comentou que “esta quincena dedicada ao mar estamos a preparala con ilusión porque é algo que facemos os tres establecementos en colaboración. É algo distinto ao que fas normalmente, cando traballas ti só. É coa intención de atraer xente ao peirao, unha zona que no verán está moi solicitada pero o resto do ano queda un pouco apartado, pero segue habendo peixe e segue preparándose todo igual de ben ou mellor. Este ano ademais, para tentar que a xente se decate un pouco máis, este venres, día 15, a partir das oito e media da tarde faremos unha presentación destas xornadas e imos facela no Real Club Náutico de Ribadeo, onde daremos unha pequena charla para explicar en que van consistir, informar á xente do porqué deste evento e despois convidaremos a todo o mundo a uns petiscos e a uns viños para todos os que queiran acompañarnos nesta inauguración”.
E en representación do restaurante San Miguel o seu responsable, José Ramón Rodríguez, deu a coñecer que “un ano máis nestas xornadas imos preparar unhas pequenas racións, a un prezo módico de 6 euros, e uns pratos cos que tamén imos facer un esforzo para poñelos a uns prezos alcanzables. Serán elaborados con peixes e algún marisco da zona. Teremos tamén un menú degustación, que incluirá tres entrantes e un prato de peixe, con sobremesa caseira e un viño recomendado, que esta vez será Anxo Martín, un viño da Roseira, da adega Martín Códax, que cremos que está moi rico e merece a pena probalo. Este menú tamén terá un prezo alcanzable: 30 euros. Esperamos que veña moita xente para gozar destas xornadas un ano máis, pois xa é a cuarta edición consecutiva que organizamos”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
