Ribadeo, 13 de abril de 2016. A delegación local de Ribadeo da Asociación Española contra o Cancro crea un novo grupo terapéutico na localidade coa colaboración do CIM e da Concellaría de Igualdade. Esta experiencia botará a andar o vindeiro luns, 18 de abril, ás 11.00 horas na Casa da Xuventude.
Segundo explican “no grupo ofertarase un tratamento terapéutico de natureza psicolóxica ás pacientes de maneira grupal coa finalidade de mellorar a súa capacidade de afrontamento e a calidade de vida. Coa creación deste grupo preténdese dotar aos seus membros de estratexias acaídas para sobrelevar a enfermidade e dos recursos cognitivos e emocionais adaptativos para o cambio. Ademais aumenta a autonomía e o crecemento persoal evitando a cronificación e favorecendo a diminución sintomatolóxica nas áreas afectadas pola enfermidade”.
Os obxectivos xerais do grupo terapéutico son:
-Facilitar a adaptación a enfermidade
-Diminuír as reaccións emocionais desadaptativas orixinadas pola diagnose da enfermidade e o seu tratamento.
-Facilitar a expresión de emocións e pensamentos arredor da experiencia do cancro e as súas consecuencias.
-Contribuír a acadar un adecuado nivel de funcionamento persoal ( psicolóxico, familiar e social) tras a enfermidade.
-Facilitar a adquisición de habilidades para relacionarse adaptativamente co entorno.
-Mellorar a dinámica da relación familiar e de parella.
-Mellorar o apoio social.
Os organizadores engaden que “a intervención grupal está dirixida a aquelas pacientes e/ ou familiares que presenten reaccións emocionais desadaptativas que dificultan ou interfiren nas súas relacións interpersoais, laborais, de parella e/ou sexuais, ou que xeran un malestar significativo e unha diminución na súa calidade de vida. O grupo será dinamizado pola psicóloga da asociación provincial de Lugo contra o cancro”.
Despois da experiencia positiva do grupo terapéutico creado en xaneiro, vaise abrir un novo grupo que comezará coas sesións o vindeiro luns, 18 de abril. A intervención desenvolvérase nun total de 8 sesións de 90 minutos de duración unha vez a semana. O grupo terapéutico lévase a cabo na Casa da Xuventude en horario de 11.00 a 12.30 horas.
As persoas interesadas en obter máis información do grupo e en inscribirse poden dirixirse a:
-AECC de Lugo: 982 25 08 09 e no mail lugo@aecc.es.
-CIM de Ribadeo: 982 12 07 39 ou no cim@ribadeo.org.
Esta actividade está organizada pola Delegación Local de Ribadeo da Asociación Española contra o Cancro (AECC) en colaboración coa Concellaría de Igualdade de Ribadeo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
