Ribadeo, 22 de abril de 2016.- O Concello organiza distintos actos con motivo da celebración do Día do Libro e agasallará ás persoas que visiten estes días a Biblioteca Municipal cuns marca páxinas, segundo deu a coñecer Farruco Graña.
O edil nacionalista manifestou que “cada vez máis debemos celebralo dun xeito especial. Días do libro hai trescentos sesenta e cinco ao ano, e é ben certo que este sábado, 23 de abril, aproveitaremos para destacar a festa do libro. Desde o Concello de Ribadeo quixemos sumarnos a esta celebración cunha mensaxe institucional breve e moi sinxela Vive lendo, le vivindo”.
O responsable de Cultura: “é bo que a lectura forme parte do noso día a día e ademais cada vez que collamos un libro nas mans, que o vivamos intensamente, ben sexa a título persoal e íntimo ben sexa formando parte de clubs de lectura e compartindo as nosas vivencias lectoras. Pero todos homes e mulleres, pícaros e pícaras, todas as persoas de ben temos que enorgullecernos de ter un libro nas nosas mans e gozar da lectura”.
Farruco Graña salienta que “son distintos os actos que está habendo ao longo desta semana. Puidemos asistir á inauguración dunha exposición ovícola literaria no IES Dionisio Gamallo, preciosa. Animo á xente a acercarse alí porque aínda se vai poder ver durante a semana que ven. Queremos ademais lanzar unha mensaxe pública ben visible nos comezos da avenida Rosalía de Castro cunha lona que conmemora o Día do Libro con este lema Vive Lendo, le Vivindo e tamén faremos unha cativa homenaxe á lectura cuns indicadores que teremos a disposición dos lectores e lectoras que visiten a biblioteca El Viejo Pancho”.
O concelleiro de Cultura engadiu: “porque ler non costa nada, podemos ir ás bibliotecas públicas, podemos acercarnos a elas e incluso propoñer novas adquisicións para aumentar o noso caudal lector e tamén podemos se temos a ben agasallar aos nosos amigos e amigas, veciñas e veciños, cun libro”.
Farruco Graña concluíu: “lembremos que normalmente nesta celebración as librerías soen sacar os seus exemplares á rúa e poñelos a disposición do público para poder facer un agasallo especial, que o agasallo sexa o da felicidade por ler, Vivir lendo, ler vivindo”.
Contacontos o vindeiro luns, 25 de abril
O vindeiro luns, día 25, na Biblioteca Municipal El Viejo Pancho terá lugar o espectáculo de contacontos O coelliño branco a cargo de Trinke Trinke para o alumnado de 1º curso de Primaria do CEIP Gregorio Sanz e do colexio Sagrado Corazón. A actividade dará comezo ás 10:30 horas e inclúese dentro do programa Ler Conta Moito da Xunta.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
