Ribadeo, 25 de abril de 2016.- O alcalde, Fernando Suárez Barcia, cualifica de “temeridade” pretender que os funcionarios do Concello tramiten as declaracións da renda dos ribadenses “despois de ter recibido unhas breves charlas da Axencia Tributaria”.
Suárez Barcia manifestou ter recibido “con tristura e non saímos do asombro por esta resposta que nos deu a Axencia Tributaria, que nola da a través dos medios de comunicación porque a día de hoxe aínda non temos resposta escrita no Concello, dicindo que é incerto que si se pode facer a declaración da renda aquí e que ben podíamos nosoutros formar a funcionarios do Concello para que foran eles quenes fixeran a declaración da renda aos veciños que así o quixeran e que ademais esta situación é moi inxustificada e algo inédita”.
O alcalde ribadense cre que “ven a conto moi ben aquel dito de zapateiro aos teus zapatos, os funcionarios da Administración Local do Concello están a desempeñar as súas responsabilidades de acordo coa súa formación, a súa especialización e as súas competencias”.
Fernando Suárez entende que “sería unha temeridade e un mal servizo á cidadanía e seguramente tamén un desastre para os intereses dos usuarios e usuarias do servizo da declaración da renda, que despois dunhas breves charlas informativas dadas pola Axencia Tributaria, os puidésemos considerar a estes funcionarios igual de profesionais e especialistas que os da propia Axencia Tributaria. A explicación é unha cuestión ben sinxela, un médico que é funcionario e coida aos enfermos non pode regular o tráfico, esa é unha función que aínda sendo funcionario faina un policía. Son escusas puerís de quen non está comprometido de verdade co achegamento da administración ao cidadán, moito discurso e moita palabrería de que hai que achegar a administración á xente, pero despois acábanse de cargar un servizo que levaba once anos funcionando de común acordo entre a Axencia Tributaria e o Concello de Ribadeo. O Concello aboaba os gastos que lle esixía cada ano a Axencia Tributaria e era desempeñado ademais por un auténtico profesional da Axencia Tributaria que se desprazaba a Ribadeo e a satisfacción dos usuarios era unánime”.
Finalmente o alcalde ribadense subliñou que “eu reitero o cabreo e o desgusto que hai en Ribadeo. É certo que para estar en funcións este goberno do Estado, este Ministerio de Facenda podería facer as cousas doutro xeito. Pero insisto en que aló eles co que están facendo porque a xente non é parva e o que se respira en Ribadeo é unha sensación de cabreo magnífica”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
