6 de maio de 2016. A Dirección Xeral de Tráfico poñerá en marcha desde o luns día 9 unha nova campaña especial de vixilancia nas estradas convencionais da comunidade galega. Durante toda a semana, ata o domingo día 15, incrementaranse os controis neste tipo de vías.
Os axentes da Agrupación de Tráfico da Garda Civil vixiarán que se circule á velocidade adecuada, controlarán os adiantamentos indebidos, a inxesta de alcol ou drogas, o uso de casco e sistemas de retención, a utilización do teléfono móbil ou auriculares durante a condución, a manipulación de navegadores ou de calquera outro elemento que poida distraer e, en xeral, calquera infracción da normativa vixente en materia de circulación viaria.
Ademais, aproveitarase para concienciar sobre a importancia do respecto mutuo entre vehículos a motor e bicicletas. Neste sentido, entre os condutores de vehículos motorizados repartiranse dípticos informativos incidindo na necesidade de reducir a velocidade ante a proximidade de ciclistas, así como a obrigatoriedade de apartarse un mínimo de metro e medio nos adiantamentos. Á súa vez, entre os ciclistas repartiranse cortaventos reflectores para mellorar a súa visibilidade. Trátase dunha campaña específica na que colaboran a Xunta e a Federación Galega de Ciclismo e que se prolongará durante dous fins de semana máis aló da conclusión da campaña especial de vixilancia sobre infraccións en carretas convencionais.
SINISTRALIDADE
Desde a Delegación do Goberno en Galicia lémbrase que un dos obxectivos prioritarios na estratexia da DXT para o período 2011-2020 é o de lograr comportamentos máis seguros nas estradas convencionais.
A importancia desta campaña represéntase nas cifras que analiza a DXT en relación á sinistralidade viaria. Así, aínda que as vítimas mortais nas estradas convencionais galegas foron descendendo desde o ano 2010, cando se rexistraron 157, ata case a metade en 2015, cando faleceron 81 persoas, a accidentalidade mortal neste tipo de vías acaparou o pasado ano en Galicia o 88% da rexistrada fóra do ámbito urbano (en autovías faleceron 10 persoas e ningunha en autoestradas). É unha porcentaxe máis elevada que o rexistrado o pasado ano no conxunto do territorio nacional, onde os falecidos en accidentes rexistrados en vías convencionais roldaron o 81%.
E é que na comunidade galega as estradas convencionais representan un 90% das vías interurbanas. Son vías que non dispoñen dunha separación física de ambos os sentidos, polo que entrañan maiores riscos en caso de adiantamentos, prioridades de paso, etc. Ademais, dentro das estradas convencionais teñen especial peso as estradas locais, camiños veciñais e pistas, onde se rexistrou en 2015 o 6.17% dos accidentes mortais producidos en vías convencionais.
Nun estudo elaborado pola Agrupación de Tráfico da Garda Civil sobre accidentalidade en vías convencionais de España no período comprendido de 2010 a 2015, extráense as seguintes consideracións:
– En torno ao 68,81% dos accidentes e o 77,17% dos falecidos prodúcense neste tipo de estradas.
– Mantense a porcentaxe de falecidos en horario diúrno (o 62,69% no ano 2014 e o 62,89% en 2015), coincidindo en fin de semana as porcentaxes máis elevadas.
– Nos accidentes graves rexistrados en vías convencionais repítese a saída de vía, sendo as causas máis habituais a distracción, a velocidade inadecuada e, en xeral, a infracción dalgunha norma.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
