A insignia galega volve despregarse no podio madrileño trala celebración do Segundo Encontro da VIII Liga Nacional de cadetes en aire libre esta fin de semana.
Ata alí desprazáronse Gabriel Galante Briones e Francisco Botelho Melo, competindo ambos en arco recurvo. O sábado disputábanse as series clasificatorias, e tras a súa finalización Gabriel colocábase no sexto posto con 631 puntos sobre os 720 de máxima posible, Francisco pola súa banda facíase co posto trinta con 486 puntos. Ambos arqueiros finalizaron as series clasificatorias moi satisfeitos xa que levan algún tempo loitando contra si mesmos para “vencer o medo ao amarelo”, para o que desenvolveron durante todo o mes anterior á competición unha serie de traballos que deron os seus froitos, podendo finalizar a mesma de forma fluída como fora habitual ata o momento no que o inesperado medo ao amarelo fixo acto de presenza, en novembro do ano pasado.
Tras a clasificación, comezaban os sets eliminatorios. Francisco enfrontábase ao representante Vasco, Endika Garcia; terceiro tras as clasificatorias, tres entradas de tres frechas cada un bastáronlle a Endika para derrotar ao arqueiro mariñán por 6 puntos de set a cero. Con todo, Fran saía do enfrontamento con bo sabor de boca xa que aínda que vencido, non foi derrotado, o seu tiro foi fluído, certeiro; pero insuficiente para vencer a Endika que tan só por un punto de set lograba as vitorias.
Gabriel pola súa banda atopábase pletórico notábaselle na súa actitude, a de sempre antes do mal do amarelo. Moi concentrado en todos os seus lanzamentos, foi derrotando un a un a todos os seus adversarios en dezaseisavos e oitavos de final facendo valer a súa experiencia e bo facer logrando vencer por seis a cero aos seus rivais.
O domingo disputábanse cuartos de final. Nesta ocasión, o seu rival, o representante de Castela León, Daniel García, vencía en oitavos de final a Ken Sánchez (segundo nas series clasificatorias). Unha serie de bos lanzamentos fan que tome a vantaxe no primeiro set, sen que deixase a mesma ata a finalización dos tres sets que lle valeron o pase ás finais, resultado 6 a 0 en favor de Gabriel.
A final disputábaa contra o representante balear, Denis Catalin, que en cuartos de final vencía a Enrique Cavanillas (primeiro nas series clasificatorias) na frecha de desempate. A final resultou do máis emocionante xa que ambos os arqueiros fixeron gala dun gran nivel, empatando a 5 puntos de set tras disputar cinco sets, só unha frecha definirá o campión do evento. A máis próxima ao centro será a vencedora e o balear, primeiro en lanzar, logra un nove. Gabriel poucos segundos despois lanza a súa saeta e logra a puntuación máis alta, o 10, e proclámase campión do segundo encontro da liga Nacional de cadetes en aire libre.
Por diante queda un mes para puír a técnica e seguir traballando “a cabeza”. O día 26 de xuño terá lugar o terceiro encontro da liga ao cal acudirán novamente ambos arqueiros con ganas de facerse valer novamente. Será o último test antes do Campionato de España de Cadetes que se celebrará en Salamanca en xullo.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
