Lugo, xx de maio de 2016.- A Xunta de Galicia iniciou os labores anuais de recuperación de especies nos ríos da provincia afectados por agresións medioambientais. Así, ao longo desta semana o Servizo de Conservación da Natureza soltará 6.761 alevíns de troita e preto de 200 exemplares adultos nas comarcas de Quiroga e Lemos.
As soltas realízanse en tramos degradados, con escasa ou nula presencia de poboación piscícola, e polo xeral deben estar vedados ou ser aptos só para a pesca sen morte, ou mesmo de difícil acceso, para minimizar os riscos de mortaldade dos peixes destinados a repoboar os ríos.
Neste caso, sóltanse 2.946 alevíns no tramo de pesca sen morte do río Lor Baixo, en Quiroga, e 1.345 alevíns no tramo de pesca sen morte do río Lor Alto, en Folgoso do Courel. Igualmente, 1.695 alevíns están destinados para o río Soldón, en Quiroga, cuxa fauna quedou seriamente afectada por arrastres procedentes de incendios.
Na desembocadura do río Rubín no río Saa, na Pobra de Brollón, soltáronse hai uns días 775 alevíns, nunha actividade de sensibilización ambiental realizada cos alumnos e alumnas do colexio desa localidade.
As troitas adultas libéranse no río Quiroga (52 unidades, no municipio de Quiroga) e no tramo vedado de pesca situado por riba do coto do río Cabe en Monforte, neste caso 122 exemplares.
Tanto os alevíns como as troitas adultas proceden da piscifactoría que xestiona a Consellería de Medio Ambiente e Ordenación do Territorio en Goó, no Incio, onde se capturan exemplares reprodutores da conca do Sil para a repoboación dos ríos desa área.
Nas vindeiras semanas, a consellería continuará coas tarefas de recuperación de poboacións piscícolas nos ríos da zona norte, con exemplares de troita e salmón que sairán do centro ictioxénico do Veral, en Lugo. Neste caso, os exemplares estarán destinados a ríos da Mariña, ás cuncas alta e media do río Miño e a ríos salmoneiros como o Eo.
Os traballos de repoboación realízanse habitualmente na primavera e no outono, aínda que en febreiro hai tamén unha solta específica de salmón. Ao longo de todo o ano 2015 soltáronse nos ríos da provincia con este fin 83.956 exemplares de salmón, 30.501 de troita, e 160 quilos de anguías de diferentes tallas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
