Foz, 20 de maio de 2016.- Un ano máis a Policia Local de Foz imparte clases de seguridade viaria aos nosos xoves no Parque Infantil de Tráfico. O mércores foi a quenda do Colexio Público Virxe do Monte, de Cospeito (Lugo), que desprazou a esta localidade un total de trinta alumnos. O xoves atenderon aos locais, pertencentes ao Colexio Publico O Cantel, un total de vintedous alumnos, e o venres á Asociación Asistencial Virxe do Carme de Foz. Nas clases, que constan de dúas partes, a teórica -na que se impartiron normas básicas de circulación: como se debe comportar un peón, como se debe circular en bicicleta, a utilización de cascos, cintos de seguridade e chaleco reflectinte así como os sinais de tráfico-, e a continuación púxose en práctica o aprendido no recinto do parque, onde se usan karts e bicicletas. A Policía Local insiste aos participantes que o aprendido hai que poñelo en práctica todos os días para crear bos hábitos que nos salvarán a vida, ou cando menos evitarannos graves lesións.
O ano pasado pasaron polo Parque Infantil de Tráfico de Foz un total de 400 persoas, entre escolares e integrantes de distintas asociacións. Tamén se impartiron nos locais das distintas asociacións do municipio charlas sobre a utilización do chaleco reflectinte.
A Policía Local de Foz sempre está disposta a recibir e impartir clases a calquera asociación ou grupo que estean interesados en recibir esta formación.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
