Burela, 20 de maio de 2016.- O CD Burela FS Pescados Rubén pechou a semana pasada a súa primeira tempada en Autonómica Feminina na 14ª praza, con 28 puntos, despois de 30 xornadas, con 9 triunfos, 1 empate e 20 derrotas.
O cadro laranxa despídese da competición tras un bo ano de adaptación á categoría. “O equipo competiu moi ben, dando a cara fronte a todos os rivais, incluso os da parte alta, coa excepción de partidos puntuais nos que as baixas nos condicionaron en exceso. Foi un ano no que o equipo amosou unha evolución continua, deu un paso adiante sobre a pista, avalado pola excelente actitude das rapazas e as maiores ganas por aprender e mellorar que teñen todas” reflexionaba así Pablo Díaz, que alternou as súas responsabilidade como adestrador de Autonómica coas de preparador físico do conxunto de Primeira RFEF. “Continuaremos adestrando ata a clausura da escola a mediados de xuño, e traballaremos sobre a participación nalgún torneo estival” puntualizaba Pablo.
O proxecto burelista mantivo o bloque de 2014-15 en Provincial, coa incorporación dalgunhas rapazas procedentes doutros equipos da Mariña: Jessica López, Lara Díaz, Xela Bernardo, Gracieth Coelho, Paula Lestegás, Anna Fernández, Carla González, Noemí da Silva, Paula Rubiera, Carla Bolaños, Nerea Abad e Nuria Rolle, con xogadoras que alternaron o traballo co de Primeira, como Emma, Judith e Silvia Rubal, xunto a Lara e Eva. Nos últimos meses tamén compartiron a dinámica de adestramentos as infantís María Bertolo e Claudia Pernas. Xunto a Pablo Díaz, colaboraron no corpo técnico Álex Abad, José Bolaños e Carlos González.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
