Ribadeo, 23 de maio de 2016. O Concello inicia este martes unha campaña de lavado dos colectores verdes tanto no casco urbano como nas parroquias. O presuposto destas tarefas, que se realizarán ao longo dos vindeiros meses, ascende a 10.000 euros.
O concelleiro de Limpeza Viaria, Jorge Díaz Freije, explicou que “son 500 lavados os que faremos desde mañá e ata finais deste mes tanto no casco urbano, nos seus arredores como nas distintas parroquias ata onde cheguen eses 500 lavados. Despois en xullo e agosto faranse outros 400 lavados, iso sería integramente no casco urbano e nas zonas que estiveran máis necesitadas, nas que se produzan máis cheiros ou que estiveran un pouquiño máis afectadas, é dicir sobre todo onde máis se usan”.
O edil nacionalista contou que “despois en outono faríase un último lavado doutros 500 contedores. Iso sería o programa deste ano cunha inversión aproximadamente duns 10.000 euros, que sairán das arcas do Concello, é dicir dos veciños e das veciñas de Ribadeo integramente, máis que nada para ter estabilizado ese lavado que tanta demanda xera e que é verdade que hai zonas que están necesitadas. Non vou dicir algo que non é certo, hai casos necesitados”.
Díaz Freije subliñou que “os veciños están a facer unha labor moi boa. Considero que imos por bo camiño, eu sigo chamando á cooperación veciñal para o reciclado, para que todo iso se sosteña. Para que vaiamos mellorando día a día é necesaria esa colaboración de todos. Loxicamente está tamén a parte que lle toca ao Concello, que é que cos recursos que ten xestionalos o mellor posible e creo que día a día o noso é mellorar. Imos nese camiño pouco a pouco coas nosas armas e co que podemos traballar día a día a reo”.
O concelleiro de Limpeza Viaria agradeceu a colaboración da cidadanía “que é moi importante para todo, pero para o tema da limpeza creo que imos por bo camiño”.
Limpergal é a empresa luguesa que se encargará do lavado dos colectores verdes en Ribadeo. Jorge Díaz Freije pide desculpas polas molestias que se poidan ocasionar con estas tarefas, que se levarán adiante a partir das cinco da mañá.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
