A Mariña, 25 de maio de 2016.- O BNG mariñao promoverá declaracións institucionais nos concellos da Mariña e Deputación para reclamar garantías de investimento e mantemento do emprego que permitan asegurar a continuidade da industria do aluminio na comarca da Mariña. A formación nacionalista afirma que a factoría de Alcoa en San Cibrao segue representando o principal activo no PIB da provincia de Lugo e unha fonte de emprego e dinamismo económico vital para a comarca da Mariña. As noticias publicadas nestes días sobre a posíbel venda, das ou parte das plantas que a multinacional ten en Galiza son preocupantes, e neste sentido, chaman ao goberno galego a realizar as xestións necesarias para a súa permanencia, entre outras, avanzar na posta en funcionamento dunha tarifa eléctrica galega que permita a industria e familias abaratar os custes de abastecemento nun pais como Galiza excedentario na produción enerxética.
A Mariña non se pode permitir a perda de mais postos de traballo
Ana Ermida Igrexas, portavoz comarcal nacionalista, afirmou que a comarca non se pode permitir a perda dun posto de traballo mais despois dos xa perdidos nos últimos anos en empresas clave na comarca como Aglomerados ECAR, Construcións Mon, Sargadelos, ECESA, Vestas, Gres Burela, Mobles Hermida, Conservas Alonso, e tantas outras que deixaron sen emprego a centos de persoas sen que se puxeran en marcha alternativas para dinamizar a economía e o emprego nunha comarca que sempre foi puxante.
Preocupación polas noticias sobre a venda de factorías de Alcoa
As noticias difundidas nestes dias sobre a posíbel venda dunha ou varias factorías propiedade de multinacional Alcoa en Galiza, en concreto as que podan afectar aos mais de 1.300 postos de traballo das plantas de San Cibrao e empresas auxiliares, están a provocar a lóxica alarma e preocupación na comarca polas repercusións que puideran ter no mantemento do emprego na Mariña.
Galiza como país excedentario na produción enerxética ten que abaratar os custos eléctricos a empresas e familias mediante unha tarifa eléctrica propia.
A portavoz nacionalista fixo un chamamento a aclarar con celeridade as previsións que a multinacional teña para as súas factorías en San Cibrao e pediu que estas non poñan en perigo a continuidade da actividade industrial e os postos de traballo. Na mesma liña fixo un chamamento ás administracións con competencias a traballar activamente coa vista posta nestes obxectivos. Ermida fixo un chamamento á Xunta de Galiza a por en funcionamento o acordo do Parlamento Galego para a creación dunha tarifa eléctrica galega que permita a industrias e poboación en xeral abastecerse de enerxía eléctrica a prezos acordes a capacidade produtiva de Galiza como territorio excedentario que somos.
Declaración institucional en concellos e deputación
A formación nacionalista promoverá declaracións institucionais nos concellos da comarca e deputación de cara a reclamar o mantemento do emprego, a actividade industrial e os investimentos en San Cibrao, e o apoio das institucións ao cadro de persoal de Alcoa e empresas auxiliares.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
