Lugo, 25 de maio de 2016.- O Grupo Provincial do PP demanda que a Deputación de Lugo cumpra coa súa responsabilidade e manteña en bo estado e, polo tanto, acometa tanto as labores de conservación ordinarias como as de ampliación e melloras necesarias na estrada LU-P-0204 que comunica Carrocide, por Arnela a Tremoal, no concello de Alfoz, e na LU-P-2801 de Santo Tomé, por San Adriano e Augaxosa ao Mazo, no tramo das Rodrigas (enlace LU-124) – Augaxosa (límite con Lourenzá), no municipio de Riotorto.
A través dunha iniciativa plenaria que se debaterá no pleno deste mes, o Grupo Popular canaliza estas dúas solicitudes que lle fixeron chegar tanto os representantes políticos locais como os veciños, ao ser moi necesarios actuacións inmediatas nestas infraestruturas viarias para garantir a seguridade dos seus usuarios.
Alfoz
En concreto, a LU-P-0204 presenta unha plataforma moi estreita e un firme en moi mal estado e, a maiores, a consecuencia de que a Deputación de Lugo non está a levar a cabo as tarefas necesarias de limpeza e mantemento, durante os meses de inverno a auga invade a estrada, o que supón un inconvinte maior para o tráfico.
Trátase dunha vía que soporta unha importante densidade de tráfico, sobre todo pesado, ao cruzar unha zona de gran riqueza forestal, ademais de que se converte no principal acceso á parroquia de Pereiro e dá servizo á metade dos residentes de Lagoa. A Deputación de Lugo leva anos esquecéndose dunha estrada, na que en anos só realizou unha pequena actuación de arranxo de fochancas despois de denuncialo publicamente, pese a que esta vía é unha das principais saídas do Concello cara o centro da provincia a través da LU-P-0101, que comunica con Gontán (Abadín) dende onde se pode enlazar coa N-634 e coa A-8.
Riotorto
Pola súa banda, os veciños de Riotorto trasladaron numerosas peticións sobre a necesidade de acondicionar a LU-P-2801 de Santo Tomé, por San Adriano e Augaxosa ao Mazo, no tramo Rodrigas (enlace LU-124) – Augaxosa (límite co concello de Lourenzá), por atoparse nun estado moi deficiente. O trazado presenta múltiples fochancas e o firme está en malas condicións.
Os populares resaltan a importancia desta actuación, xa que ao carón desta estrada provincial, chegando á vía LU-122, prevese a construción do polígono industrial de Riotorto. De feito, o Goberno municipal aprobou inicialmente, na Xunta de Goberno local de data 16 de febreiro de 2016, o Plan Especial SUND Villarín Riotorto Instrumento Urbanístico para levar a cabo o polígono industrial de Riotorto.
Oídos xordos da administración provincial
Dende o Grupo Provincial do PP censuran que a Deputación de xeito reiterado estea a facer oídos xordos á petición de arranxo destas estradas provinciais. Lembra que durante oito anos, o Concello de Alfoz non tivo resposta ás solicitudes de adecuación da vía, ata o punto de que dende o Goberno bipartito provincial votaron incluso en contra de iniciativas trasladadas polos populares ao pleno da Deputación.
A mesma circunstancia dáse coa vía de Riotorto, que pese á petición formulada dende o Goberno local hai tres meses, a Corporación provincial non trasladou ao Concello ningún tipo de resolución.
Os populares agardan que o Goberno da Deputación desista esta actitude de “abandono” das vías provinciais e cumpra cun dos acometidos “primordiais” da entidade, que é o do mantemento das estradas da súa titularidade e que vertebran o territorio lucense.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
