Lugo, a 27 de maio de 2016.- O Foro do Camiño Primitivo, conformado por 30 organizacións defensoras dos Camiños de Santiago, estamos alertados polas obras que a Axencia Galega de Turismo está a realizar nalgúns treitos do Camiño Norte e no Camiño Primitivo, recentemente declarados como Patrimonio da Humanidade. Vimos de saber pola prensa que este organismo pretende cimentar perto de 12 quilómetros da vía norte e primitiva, dos cales a metade pertencen ao concello da Fonsagrada.
Segundo a Axencia Galega de Turismo este “proxecto de acondicionamento” consiste en estabilizar varios treitos do Camiño Norte e Primitivo con varias capas de grava e saburra artificial (zahorra) e de cemento!! Consideramos que este tipo de intervencións van en contra da propia esencia dos camiños tradicionais e de carácter rural que identifican as rutas históricas de peregrinaxe, atentando contra os diversos valores ambientais, paisaxísticos e culturais que permiten outorgar o recoñecemento destas vías medievais como Bens de Interese cultural ou Patrimonios da Humanidade.
Desde o Foro do Camiño consideramos especialmente inaceptable que sexa precisamente a administración encargada de velar pola conservación e protección destes valores e bens públicos, a Xunta de Galicia, a que estea a promover a reconversión dos camiños de Santiago en pistas cimentadas ou autoestradas de paso máis propias de ámbitos urbanos, poñendo en perigo a súa condición de Patrimonio da Humanidade.
Por iso esiximos á Xunta de Galicia e, en especial, á Axencia Galega de Turismo e á Dirección Xeral de Patrimonio Cultural que paralicen as obras que se están a executar nos Camiños Norte e Primitivo dentro deste “Proxecto de acondicionamento”. Tamén pedimos aos concellos afectados que manifesten a súa oposición a este atentado contra a preservación dos valores naturais e tradicionais das vías medievais que atravesan o seu territorio.
Ao mesmo tempo, ADEGA vén de solicitar ás Direccións Xerais de Patrimonio Cultural e de Conservación da Natureza copia de todos os informes que presumiblemente avalan estas maltreitas actuacións nos camiños de Santiago, incluído o informe do Comité Asesor dos Camiños de Santiago, encargado de valorar este tipo de actuacións.
No caso de que a Xunta desatenda a nosa petición de paralización das obras e reconsideración do devandito “proxecto de acondicionamento” dos camiños Norte e Primitivo de Santiago, o Foro do Camiño non descarta presentar unha denuncia na UNESCO a través do ICOMOS-España, entidade que ten como obxectivo promover a aplicación dos criterios de conservación e protección dos bens declarados como Patrimonio da Humanidade.
Por último, o Foro do Camiño insta á Xunta a investir os cartos de fondos europeos en actuacións destinadas a preservar os valores tradicionais dos camiños e a reparar todas aquelas actuacións que ao longo dos tempos deturparon, alteraron ou prexudicaron a senda orixinal e tradicional dos Camiños Norte e Primitivo, e polas cales o Foro do Camiño ten recorrido contra a Xunta en vía contenciosa administrativa.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
