Nota de Prensa
Os populares afirman que o BNG tan só busca xerar alarma social e polémica sen ningún tipo de fundamento
O PP ASEGURA QUE AS DECLARACIÓNS QUE CÓMPRE DESAUTORIZAR SON AS DO VOCEIRO COMARCAL DO BNG PORQUE NON SE ENTEIRA DE NADA
• No PP están convencidos de que o 90% dos veciños da Mariña asumen e comprenden as palabras do Presidente da Xunta, garantindo a continuidade da área sanitaria e a autonomía do Hospital da Costa, que ademais ampliará o seu catálogo de servizos.
A Mariña, 05 de outubro de 2009.- No Partido Popular da Mariña creen que as declaracións públicas que cómpre desautorizar pola súa falta de realidade e evidente manipulación son as do voceiro comarcal nacionalista, Antonio Veiga, en relación coa sanidade pública mariñá. Os populares están convencidos de que o 90% dos veciños da Mariña asumen e comprenden as palabras do Presidente da Xunta, Alberto Núñez Feijóo, a través das que non só garantiu a continuidade da área sanitaria da Mariña senón que tamén adiantou que o Hospital da Costa manterá a súa autonomía e ampliará a súa carteira de servizos
CATASTROFISMO NACIONALISTA
No PP comarcal insisten en que o discurso catastrofista dos nacionalistas respecto dunha hipotética perda de servizos no Hospital da Costa tan só ten por obxecto xerar alarma social e polémica, pero non ten ningún fundamento tal e como aclararon tanto o xefe do Executivo galego como a Conselleira de Sanidade. Os populares están convencidos de que no BNG andan ao remolque das iniciativas do PP e neste senso lembran que os nacionalistas e os socialistas tiveron que votar a favor dunha proposición non de lei dos populares na se instaba á Xunta a garantir a continuidade da área sanitaria.
PREGUNTAS EN COMISIÓN, PARA SER OBXECTO DE DEBATE
Os populares emprazan aos nacionalistas a facer as preguntas que teñan que facer de xeito oral, diante dunha Comisión Parlamentaria da Cámara galega. Probablemente agora fan as preguntas por escrito porque non teñen a valentía de facelo oralmente, pois moi seguramente nun debate a realidade dos feitos, permitiría sacarlle as cores.
NON ENTENDE OS ORZAMENTOS
Finalmente desde o PP explican que os orzamentos da Xunta para 2010 contemplan un investimento superior ao millón de euros para acometer as actuacións incluídas no Plan director do Hospital. “Se o señor Antonio Veiga non sabe miralo, o mellor que podería facer e buscar a alguén que llo explique, para que o entenda, e non ande metendo a pata continuamente, non só cando fala de sanidade senón cando fai todo tipo de declaracións públicas poñendo de relevo que non se enteira de nada”
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
