Burela, 28 de maio de 2016.- A Marea Laranxa viviu unha tarde de celebración. Viviu ao grande o último derbi irmandiño da tempada e despediu a liga na Mariña, na penúltima xornada, con vitoria sen contemplacións sobre o Valdetires Ferrol FSF (7-2), que chegaba a Burela coa esperanza de manterse en Primeira, aínda que non se puido facer realidade. A escuadra de Iván Cao, Lucas, gozou dun encontro tranquilo para os seus intereses sen deixar respirar ao rival no seu asedio e avantaxando xa ao descanso en 4-1.
A superioridade das laranxas atopou a súa recompensa no minuto 8 nas zapatillas de Claudia, empuxando soa no segundo pau tras recuperación de Peque. Tras a segunda grande ocasión laranxa, de Bea Mateos, rozando o ecuador, Maite subiu o 2-0 no minuto 12, desde o chan; poucos segundos despois, Gaby aproveitou en rexeite unha tentativa de Peque, que perforou a rede pola escuadra. Nada máis saltar á pista, a novísima Judith, no minuto 16, asinou o 4-0 en tres contra dous. O Valdetires tan só puido recortar distancias cun balón morto na área tras rexeite de Jozi, a falta de pouco máis dun minuto para o descanso.
Regresaron as laranxas en tromba na segunda parte, con Andrea baixo os paus locais. Aproveitaron a aposta por xogo de cinco con Andre das ferrolás; xa no 21, Dany anotou a porta baleira; pouco despois, no 22, un pase de Dany que tocou en Lidia transformouse no 6-1. Cun dominio asfixiante das mariñás resistiuse o luminoso nos seguintes minutos, con ocasións de ouro de Maite e Peque antes do ecuador. No minuto 32, Andre minguou a avalancha local aproveitando un erro das de Vista Alegre e anotou o 6-2 en galopada, ante Eva adiantada; pero segundos despois volveu o gol laranxa nun lanzamento de Judith desde a banda que meteu Belén en tentativa de despexe (7-2). A Bomboneira viviu unha festa apotetsica na recta final, sen deixar de xerar perigo na pista; a bancada despediu ao grande a tempada, con ovación para Peque e Maite no seu último partido na casa como burelistas.
Ceci non puido participar no encontro por unha escordadura de nocello sufrida durante o quentamento.
O soño laranxa cada vez está máis preto, a tan só un partido. Sábado 4, 18.00 horas, última xornada, en Logroño, ante o FSF Rioja.
Ficha técnica
CD Burela FS Pescados Rubén: Jozi, Dany, Gaby, Bea Mateos, Maite, cinco inicial; tamén xogaron Claudia, Peque, Silvia Rubal, Judith, Andrea, Eva
Valdetires Ferrol FSF: Nere, Lidia, Albita, Diana, Eri, cinco inicial; tamén xogaron Peli, Belén, Andre
Goles: 1-0, minuto 8, Claudia; 2-0, minuto 12, Maite; 3-0, minuto 12, Gaby; 4-0, minuto 16, Judith; 4-1, minuto 18, Peli; 5-1, minuto 21, Dany; 6-1, minuto 22, Lidia (p.p.), 6-2, minuto 32, Andre; 7-2, minuto 33, Belén (p.p.)
Árbitros: Carlos Suárez Branco // David Castro Bermúdez (Lugo). Por Valdetires amarela a Diana (minuto 16)
Incidencias: Partido correspondente á 29ª xornada da Primeira División RFEF disputado no pavillón Vista Alegre de Burela. Arredor de 800 espectadores
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
