Foz, 1 de xuño de 2016.- Este pasado luns 30, ven de celebrarse o pleno da Corporación Municipal do mes de Maio do Concello de Foz.
“Foz,Plataforma de Futuro” levou tres mocións para ser debatidas, sendo aprobadas as tres polos membros da Corporación Municipal, o que demostra unha vez máis, a importancia dos temas para os veciños e veciñas do noso Concello, que a nosa formación leva para o seu debate.
A primeira moción que se debateu foi para instar ó equipo de Goberno do Concello de Foz a ordenar o tráfico e adecentar o firme da Rúa Atalaia,esta rúa céntrica do casco urbano ten un paso importante de peóns e vehículos, e despois do boom da construción, quedou nun estado de deterioro importante e día a día vai en aumento. Un firme en malas condicións e o mesmo tempo o ser unha rúa de dobre sentido hai momentos en que o tráfico non é fluído o haber un estreitamento da metade o final da rúa.Esta moción foi aprobada cos votos favorables de toda a oposición e a abstención do PP.
A segunda moción que se debateu foi para instar ó equipo de Goberno do Concello de Foz a facer as xestións necesarias para reparar o firme da rúa Constitución, outra rúa do casco urbano que fai uns anos sufriu unha reparación integral, cambiando o seu firme, instalando pluviais e cambiando a rede de saneamento e auga. Sen embargo seguiuse permitindo o paso de vehículos de peso superior posiblemente o recomendado para este tipo de firme, o que foi ocasionando co paso do tempo que o formigón das arquetas se fora rompendo, quedando estas soltas,e os adoquíns fóronse movendo provocando subidas e baixadas destes.Esta moción foi aprobada por unanimidade polos Concelleiros da Corporación Municipal.
E a terceira moción foi para instar ó organismo competente a reparar a estrada que fai de enlace na antiga N-642, no alto de Mañente, na parroquia de Vilaronte.Alí temos un enlace para incorporarnos ou abandonar a N-642, á altura do alto de Mañente, que o mesmo tempo serve para dar servizo ó barrio de Mañente e máis é o enlace que une a antiga estrada N-642 e da aceso ós Fondás.Nos últimos tempos recibíramos numerosas queixas dos veciños polo estado desta vía.Esta moción foi aprobada por unanimidade de todos os Concelleiros da Corporación Municipal.
Así mesmo, dicir tamén , que no punto número 4 da orde do día o equipo de Goberno do Concello de Foz propoñía a prestación do servizo de atención ás persoas maiores na nova residencia de Foz.
Foz Plataforma de Futuro emitiu o seu voto en contra desta proposta o non corresponder na súa totalidade co informe de secretaría sobre ela.
Propoñíase ó Consorcio Galego de Servicios Sociais que o Concello de Foz asumise durante 2 anos prorrogables a 4 a xestión da nova residencia de Foz, para que mediante unha sinatura do convenio de colaboración coa “Asociación Dorada Mensajeros De La Paz” se presten os servicios de residencia e centro de día para persoas maiores.
O informe de secretaría analiza exclusivamente a posibilidade legal de que o Concello acepte unha hipoteca cesión de uso de equipamento construído para prestar o servizo de centro de día e residencia,por parte do Consorcio Galego de Servicios de Igualdade e Benestar.
Nós mantivémonos firmes ante a defensa dos intereses dos nosos veciños,solicitando que a nova residencia acolla a tódolos residentes do actual asilo sen excepcións e que a nosa residencia sexa xestionada o mais publicamente posible, non coma outros que defenden intereses escuros e mudan de opinión cando o creen convinte, despois de defender a xestión pública meses atrás. Xa nos gustaría saber como se vai xustificar esta adxudicación a “dedo” dun servicio que, entendemos, debería de ser público.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
