Burela, 13 de xuño de 2016.- No resumo do Programa electoral do 2015 do PSdG-PSOE de Burela, como punto número 1 figuraba: “Transparencia na xestión municipal, honradez e apertura de canles de participación …” CxG denuncia que estamos diante de unha nova mentira de Alfredo Llano e o seu equipo de goberno, coa necesaria colaboración da dirección local do PSOE.
O dereito a participación de colectivos e cidadáns na xestión da administración está no noso estado recollido nun abundante marco legal, por sinalar: Constitución Española, Estatuto de Autonomía de Galicia, Lei de Bases de réxime Local, Lei Orgánica 4/2001, de 12 de novembro, reguladora do Dereito de Petición, Lei 19/2013, de 9 de decembro, de transparencia, acceso á información pública, bo goberno ademáis de xurisprudencia de distintos estamentos xurídicos.
CxG Burela leva presentados en tempo e forma legal 17 escritos: solicitando actuacións, solicitando información, comunicando posibles situacións de irregularidade, recurrindo os orzamentos… calquera pode acceder a eles (deberíase), son públicos posto que están rexistrados de forma legal no Concello. Soamente por parte do goberno do PSOE se nos contestou unha vez.
Diante do que consideramos unha vulneración dos nosos dereitos como partido e como veciños, vimos de presentar unha queixa formal diante da oficina do VALEDOR DO POBO, solicitando o seu amparo diante dun atropelo sistemático das formas democráticas. Denunciamos tamén públicamente o escaso cumprimento da atención ó portal de transparencia do Concello, que nunca está actualizado.
Sorpréndenos neste sentido a actitude do Alcalde, que prometia participación e transparencia, na campaña, e con nós non a cumpre.
Esperamos que a Valedora do Pobo lle faga reconsiderar a súa postura, máis propia de caciques de outra época.
Na actual situación política sorprende un rexedor que oculta información, non acepta suxestións e non fomenta a participación, cando dende a Deputación se vendía con orgullo cos orzamentos participativos.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
