Burela, 14 de xuño de 2016.- O vindeiro 21 de xuño coñecerase o nome da empresa que levará a cabo o plan Coopera, destinado á organización de actividades para loitar contra a violencia de xénero. Co devandito proxecto denominado Puntos limpos para xestión de residuos machistas a Mancomunidade obtivo un premio dotado con 40.000 euros, que se investirán na realización dunha programación na que participarán os Concellos e os CIM “dunha maneira coordinada, transversal e formativa”, segundo explica o presidente deste ente, Alfredo Llano.
Este foi un dos asuntos abordado no pleno da Mancomunidade celebrado este luns en Xove. No mesmo tamén se presentou a conta xeral de 2015 e tamén un informe do pago a provedores. Llano dixo que “estamos pagando a menos de 26 días. Estamos moi por debaixo do que nos marca a lei e iso é positivo”.
O presidente da Mancomunidade relatou que “tamén onte no pleno falamos do convenio de turismo, desas dúas anualidades que en total suman 180.000 euros e que teremos que executar nos anos 2016 e 2017. As nosas actuacións nos vindeiros meses vanse centrar na promoción do Camiño Norte, na mellora das Rutas de Artesanía, da nosa presenza en Fitur e de programar unha serie de actividades (charlas, cursos, etc…) destinados á hostalaría e á restauración co obxectivo de que melloren o nivel que ofertan aos seus clientes nos seus negocios”.
Na sesión plenaria celebrada este luns tamén se aceptou unha subvención de máis de 83.000 euros con cargo ao Fondo de Compensación Ambiental para o ano 2016. Alfredo Llano lembrou que “é un proxecto que se titula Mellora da recollida selectiva do lixo nos concellos da Mancomunidade. É unha boa axuda porque significa que nos van dar o setenta por cen do que é o gasto que nosoutros temos considerado e que será sobre uns 119.000 euros. Trátase dunha cifra que non está nada mal”.
O presidente da Mancomunidade de Municipios de A Mariña dixo que “haberá que decidir os criterios de reparto que faremos entre os Concellos. Onte falamos algo disto, pero aínda temos que abundar un pouco máis e ver como se pode ir facendo. Hai vilas que precisan contedores, papeleiras, suxeitacontedores, etc… haberá que pedir presupostos e ver cal é a oferta que sexa máis vantaxosa para a Mancomunidade”.
Finalmente no pleno celebrado este luns presentouse un informe sobre o servizo de atención temperá, “quero que todos os Concellos saiban que poden contar con el. Está en Burela, pero a nosa pretensión é aumentar en persoal e en espazo este servizo e imos facer un convenio con aqueles Concellos que queiran facer o seu uso. Pensamos que é un bo servizo para todo o mundo na Mancomunidade”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
