Mondoñedo mellorará seis camiños grazas á subvención do Plan Marco, que destina ao Concello 78.570 euros

O Concello de Mondoñedo vén de acadar unha subvención ao abeiro do Plan Marco: programa de mellora de camiños municipais de acceso a explotacións agrarias para o ano 2016 cuxo importe ascende a 78.570 euros. Esta axuda permitirá que o Goberno local interveña en seis camiños do municipio, en concreto en Vilamor, Oirán (2), Bidueiras (2) e Pelourín.

A alcaldesa, a popular Elena Candia, subliña a importancia de actuar nestes viais para garantir un mellor acceso ás explotacións agrarias e reforzar a seguridade dos condutores. “As obras nestes camiños son moi necesarias debido ao estado que presentan ante a falta de intervención do anterior Goberno, polo que vai ser fundamental poder levalas a cabo”, precisa.

O Plan Marco constitúe o instrumento específico de planificación e xustificación das actuacións para apoiar os investimentos en infraestruturas para a mellora da rede viaria existente no medio rural para facilitar a accesibilidade ás explotacións agrarias. As actuacións están cofinanciadas por fondos Feder ao abeiro do PDR de Galicia 2014-2020.

O prazo límite para a execución dos investimentos será o 30 de setembro de 2016.

Actuacións concretas
O Goberno municipal intervirá en seis camiños para mellorar o tránsito, evitar molestias aos condutores e aumentar a seguridade dos viais.

Vilamor
Neste camiño da parroquia de Vilamor proxéctase a limpeza de cunetas, o refino e planeo do camiño, o estendido dunha base de macadam e a súa compactación, co que se pretende regularizar a superficie e evitar que se produzan maiores danos debido á auga. Ademais, e dado o nivel de tráfico existente, procederase ao estendido dun dobre rego asfáltico e un rego de adherencia, que proporcionará maior seguridade e comodidade para os usuarios, ademais de asegurar que o camiño permaneza en bo estado durante máis tempo.

Oirán
O camiño da parroquia de Oirán non conta co ancho suficiente para o paso de vehículos e maquinaria agrícola, polo que se proxecta o seu ensanche. Para elo procederase ao desarbolado e destoconado, así como al desbroce da vexetación que invade os bordes do mesmo. Contémplase ademais a apertura de cuneta e a colocación de dous caños de drenaxe transversal, ademais dunha regularización e mellora do firme, mediante o estendido de capa de zahorra artificial en toda a lonxitude, sobre unha subbase de material de préstamo en aquelas zonas nas que o material existente non é o adecuado.

Bidueiras
Esta camiño atópase na parroquia de Santa María Maior. Considerouse indispensable encauzar e controlar a escorrentía superficial, mediante a construción de cuneta e a colocación de obras de drenaxe transversal. É necesario ademais reconstruír a superficie do camiño coa apertura de caixa para firme, retirada de material, e o estendido e compactación posteriores de material de préstamo.

Bidueiras 2
Ao igual que no caso anterior o camiño atópase na parroquia de Santa María Maior. As actuacións necesarias neste caso son a limpeza da cuneta, xa que se atopa cuberta polos restos de material e vexetación, a construción de drenaxes transversais, o refino e planeo do camiño, e estendido e compactación de material de préstamo.

Oirán 2
Intervirase para incrementar a anchura do mesmo, para o que será necesario retirar a vexetación existente nos bordes, así como realizar movemento de terras nas zona indicadas nos planos, procedéndose posteriormente á mellora da superficie o estendido dunha capa de zahorra superficial e á colocación dun caño de drenaxe transversal.

Pelourín
Este camiño atópase na parroquia de Nosa Señora dos Remedios. Procederase á consolidación do terraplén mediante a construción dun muro de escollera, así como a reposición do firme no tramo afectado, ademais da colocación dunha barreira tipo bionda. Levarase a cabo a retirada de materias soltos ata chegar ao chan firme e executarase unha escollera de 1,5 metros de ancho.