Ribadeo, 24 de xuño de 2016. O alcalde, Fernando Suárez, asegura que Ribadeo está no mundo do turismo con humildade, pero con eficacia e con eficiencia. Así se refire á nova que onte daba a coñecer Trivago, o comparador de hoteis en internet, que situaba a Ribadeo como terceiro destino de praia con mellor reputación online da costa española. Suárez Barcia felicita ao sector hoteleiro e da restauración polo seu traballo e lembra a labor que está a realizar o Concello.
O rexedor dixo que “é moi boa noticia que Ribadeo figure en terceiro lugar como destino de praia con mellor reputación online de todo Estado, competindo con moitos destinos de Baleares e de Andalucía, que pola súa tradición, pola súa historia e polas súas dimensións son moito máis potentes do que ata o de agora foi Ribadeo”.
Suárez Barcia manifestou que “segundo este buscador de prezos por internet que se chama Trivago figuramos no ránking de reputación online dos oitenta principais destinos de praia con hoteis mellor valorados de todo o Estado. E hai que ter en conta que este resultado provén da análise de todas as opinións ás que se ten acceso a través de Trivago, máis de 220 millóns procedentes de máis de 250 portais de reserva”.
O alcalde pregunta “e ¿qué significa isto? Significa que estamos no mundo do turismo con humildade, desde logo, pero con eficacia e con eficiencia. E significa tamén que está a funcionar moi ben este tándem do sector privado que temos aquí en Ribadeo. Por unha banda, toda esta impresionante e diversa oferta hoteleira e tamén esta impresionante oferta de restauración, de bares, de mesóns de restaurantes, etc. E que, por outra banda, xunto co Concello poñendo o mellor de nós mesmos, todo o noso esforzo para revitalizar, para facer atractivo o noso concello non só no que ten que ver coas praias, porque temos moito máis que dar a coñecer aos que nos visitan”.
Fernando Suárez indicou que “isto reafírmanos na nosa misión de redobrar esforzos neste senso. É dicir, temos que contribuír aínda máis nas rehabilitacións urbanísticas do noso concello, singularmente todos os espazos de recreo público, todos os espazos visitables. Temos que tentar ofrecer os mellores servizos posibles das nosas praias, das máis internacionais como As Catedrais como as máis potentes e entrañables como é o caso dos Castros, As Illas, Os Bloques, Esteiro, etc… Tentar entre todos seguir traballando nesta liña, no que ten que ver co socorrismo, cos sistemas de información turística potentísimos que temos, cos servizos de limpeza… porque logo vemos os resultados e os resultados son que esta xente que ven de fora logo fala, e polo que se ve fala moi ben de Ribadeo e aquí nesta liña temos que seguir”.
O rexedor ribadense felicita “a todo o sector servizos polo seu traballo, por axudar a poñer a Ribadeo como unha estrela máis no difícil e saturado universo do turismo. Pois aí como esa pequeniña estrela, pero que brilla con luz propia, é o que queremos seguir facendo desde Ribadeo. Parabéns a todos e aí seguimos”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
