A quinta edición do Torneo de Fútbol sala base Memorial Heroes do Orzán botará a rodar o balón este xoves con case 800 pequenas promesas que honrarán o recordo dos policías Rodrigo Maseda Lozano, Javier López López e José Antonio Villamor Vázquez. Un total de 64 equipos, de 27 clubs, disputarán a cita que organiza a Fundación Imdecum entre A Mariña e A Coruña ata o domingo.
A tradicional sede mariñá acollerá as categorías entre prebenxamín e xuvenil, con 55 equipos, procedentes de Madrid, Valladolid, Asturias e as catro provincias galegas. Madrid volverá estar representada por UD Las Rozas Boadilla; desde Valladolid participarán Tierno Galván FS e CD Lagoa FS; desde Asturias repetirá experiencia EFS Siero FS; dos conxuntos galegos acudirán os coruñeses Troula FS, Cidade de Narón e Hércules A Coruña FS, o ourensán ED Celanova, os pontevedreses Randufe Futsal e Leis Pontevedra e os lugueses Os Meigallos FS e Carneiro Team, de Sarria. Tamén haberá unha nutrida participación da Mariña, con Burela FS Pescados Rubén, AFD Porto de Burela, Castrelo FS, ACD Xove, UD Xove Lago, Cidade de Viveiro, Madeiras Barcia Lourenzá e A Mariña FS. A competición distribuirase entre os pavillóns de Marzán (Foz), Monte Castelo e Vista Alegre (Burela), A Veiga (San Cibrao), Xove e Viveiro.
A Coruña, sede feminina con 9 clubs
A sede da Coruña estréase na cita con 9 clubs en Sub-16 e Sub-19 Feminino. O pavillón Novo Mesoiro acollerá a competición entre o xoves 30 e o sábado 2 con equipos coruñeses e lugueses. Hércules Coruña FS, Calasanz Escolapios, Melide FS e Ribadeo FSF participarán en Sub-16. En Sub-19, saltarán á pista 5Coruña FS, Club Torre, Imprenta San Cristóbal e CD Burela FS Pescados Rubén. O único club que terá presenza nas dúas categorías será Viaxes Amarelle FSF.
Apertura oficial
O Thalasso Cantábrico As Sirenas de Viveiro acollerá a apertura oficial da cita, este mércores 29 de xuño a partir das 20.30 horas, con reunión técnica dos equipos e posterior cóctel de benvida ao que asistirán clubs participantes, autoridades, familiares dos homenaxeados e membros da Fundación Imdecum.
Finais en directo, por streaming
A quinta edición do Memorial en honra a Rodrigo Maseda, Javier López e José Antonio Villamor incorporará outra novidade. As finais das dúas sedes poderán seguirse en directo por streaming coa colaboración de Pasión Media, na Coruña o sábado pola tarde (Novo Mesoiro) e na Mariña o domingo pola tarde (Vista Alegre).
Axenda paralela
Durante o torneo e coincidindo co gran ambiente da Festa Castrexa en Burela e a Festa Renacentista en Viveiro, a organización tamén lles ofrecerá aos nenos e nenas unha programación lúdico-deportiva complementaria, con inchables, e visitas guiadas ao barco-museo Reina do Carmen de Burela e o Museo do Mar de San Cibrao, ademais de ter a posibilidade de usar as instalacións de Activity Center e do complexo deportivo da Marosa, na localidade burelense. Na cidade herculina, os equipos participantes poderán gozar dalgunhas de visitas gratuítas á Casa das Ciencias, Domus e Aquarium Finisterrae.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
