Burela, 28 de xuño de 2016.- O Concello solicítalle á Deputación de Lugo varias obras de mellora na estrada provincial que vai de Burela a San Cibrao e que discorre a carón do mar. O alcalde, Alfredo Llano, reuniuse co responsable da Área de Xestión Territorial, Argelio Fernández, para plantexarlle diversas demandas.
O rexedor burelés manifestou que “neste encontro expuxéronse dúas reclamacións. A primeira delas é a necesidade dunha nova sinalización vertical porque hai que ter en conta que aí, ao estar pegadas ao mar, hai moitas sinais que están completamente oxidadas de deterioradas. En primeiro lugar é necesario substituír toda esa sinalización e en segundo lugar hai que arranxar o firme, aínda que se mellorou bastante nas obras que se fixeron na zona da Marosa onde se puxo novo asfaltado e quedou perfectamente nunha das curvas que era bastante perigosa e moi transitada, pero que hai que rematar ben esta obra”.
Llano dixo que “imos tratar de arranxar aquelas fochancas que hai desde A Marosa a San Cibrao. Tamén estamos mirando de colocar un paso de peóns na zona dos estadios de fútbol porque ao ir moita xente e rapaces a facer deporte, non sería mala idea facelo. Temos que ver si é posible pintalo ou non nese viario provincial”.
O alcalde de Burela agarda que “en pouco tempo se fagan estas obras e a ver se tamén se fai unha roza integral de toda esta estrada o antes posible, porque me dou conta que iso é importante telo resolto”.
Libro
Alfredo Llano aproveitou a súa visita á Deputación para interesarse pola reedición do libro de Ricardo Pena, que será unha realidade en breve. O rexedor contou que “faremos unha primeira tirada de 500 exemplares e si logo fosen necesarios máis faríamos unha segunda da mesma cantidade. O libro do que fora cronista de Burela estará listo para a celebración da nosa Feira do Libro en agosto”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
