A Mariña, 30 de xuño de 2016.- O coordinador comarcal do Partido Popular da Mariña, José Manuel Balseiro, vén de convocar a reunión da Executiva co obxecto de avaliar os resultados das últimas eleccións xerais.
A xuntanza terá lugar mañá venres, ás 21 horas na sede local do Partido Popular en Mondoñedo. A Executiva comarcal, que foi escollida por voto directo no último congreso de Viveiro, reunirase de xeito periódico e irá rotando polos distintos concellos da comarca.
“Como sabedes o PP gañou en todos os concellos da Mariña obtendo máis de 18.400 votos. Somos a única forza política que crece na Comarca, mellorando os resultados acadados hai seis meses e vencendo incluso naqueles concellos nos que hoxe somos oposición municipal”.
Balseiro insistiu no agradecemento á confianza recibida e indicou que a xuntanza de mañá ten por obxecto valorar coa Executiva as liñas a seguir nas vindeiras datas, coa mirada posta nas eleccións galegas, nas que o Partido Popular buscará reeditar e ampliar a confianza recibida, nesta ocasión, en apoio da candidatura do presidente Núñez Feijóo.
“Hoxe temos unha vantaxe de 21 puntos fronte ao PSOE, de 30 con En Marea, de 41 con Cidadáns e de 43 cun BNG que moitos concellos non supera incluso a Barreira do 5%”, indicou Balseiro.
A nova Executiva comarcal popular será a encargada de programar o traballo de cara aos vindeiros meses, partindo do feito de que son a forza preferida polos veciños da Mariña e coa responsabilidade e compromiso que isto supón. “Toca redobrar os esforzos para seguir merecendo tanto apoio e xestionar a vitoria con humildade e moito traballo”- conclúe Balseiro.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
