Lugo, 1 de xullo de 2016.- A portavoz do Grupo Provincial do PP de Lugo, Elena Candia, afirma que “o seu partido foi a voz dos concellos da provincia e conseguiu un incremento de 2,7 millóns de euros para o Plan de Obras e Servizos para o ano 2016”. “Puxemos aos alcaldes e aos veciños e veciñas desta provincia por enriba de calquera tipo de interese e iso foi o que nos permitiu ter un acordo satisfactorio que ademais está garantido para os vindeiros catro anos”.
Amais de acordar a aprobación dos Presupostos o pasado luns, as xestións feitas polos PP posibilitaron tamén que a contía destinada ao POS mellore de xeito significativo ao pasar dos 3.010.365 euros aos 5.710.365 euros, isto é, un 89,69% máis de recursos que no ano 2015.
Tamén varía a achega que os concellos teñen que facer para sufragar as obras municipais. Se antes achegaban o 50% do importe total, a partir de agora esa contía redúcese ao 25%, co consecuente aforro para os municipios. “Perseguimos, explica Candia, que primen uns criterios obxectivos e equitativos”. De feito, os criterios a ter en conta seguen a ser a poboación, a superficie, as entidades de poboación e o esforzo fiscal dos respectivos concellos.
Os populares traballaron nesta proposta de POS mellorada para dotar aos concellos das infraestruturas adecuadas, para mellorar a calidade de vida dos veciños e veciñas, para facer a habitabilidade máis atractiva e, sobre todo, para evitar a despoboación dos núcleos rurais.
“É fundamental reequilibrar aos concellos, desenvolver os de menor capacidade económica e obter os maiores beneficios sociais e económicos derivados das inversións públicas”, precisa a voceira.
Prazos para os concellos
Os Concellos teñen un prazo de dez días hábiles tras a publicación dos Orzamentos no BOP, é dicir, ata o día 12 de xullo, para a presentación das solicitudes de inclusión das obras e servizos.
Un 32,16% máis para o SAF
Ao longo da negociación o Grupo Provincial do PP fixo súas as demandas achegadas nos últimos anos polos alcaldes da provincia, así por exemplo tamén conseguiu ampliar os investimentos destinados ao Servizo de Axuda no Fogar (SAF), cuxo presuposto sobe un 32,16%, ata alcanzar os 1,5 millóns de euros. A partir de agora vanse aplicar como baremos para o cálculo do reparto os mesmos que para o POS e substituíndo a variable do esforzo fiscal pola do envellecemento da poboación.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
