Ribadeo, 1 de xullo de 2016. A Casa da Xuventude será escenario dun curso denominado Por qué non traballamos en equipo? Habilidades para o traballo en contornos cooperativos. Trátase dun obradoiro gratuíto de 20 horas de duración, que “nos fará reflexionar sobre o traballo en equipo e súas vantaxes”, explican desde a Concellaría de Desenvolvemento Local. Está organizado pola UGACOTA (Unión de Cooperativas de Traballo Asociado) e vinculado á rede EUSUMO. O curso impartirase ao 12 ao 15 de xullo 09.30 a 14.30 horas.
A rede EUSUMO é unha rede de colaboración cofinanciada polo Fondo Social Europeo e impulsada pola Consellería de Economía, Emprego e Industria da Xunta de Galicia para o fomento do cooperativismo e a economía social.
Desde a Concellaría de Desenvolvemento Local sinalan que “o que se pretende é que as persoas que participen no curso poidan desenvolver as habilidades persoais claves no traballo colaborativo, así como coñecer os recursos e metodoloxías que nos axuden a traballar e mellorar as habilidades sociais, sen descartar o descubrir e aplicar as habilidades persoais nun contorno cooperativo”.
A acción formativa configúrase en catro sesión de 5 horas de duración cada unha. En cada sesión traballarase sobre unha habilidade específica, desenvolvemento dinámicas e actividades colaborativas e contextualizando a actividade no marco da xestión da cooperativa.
Na primeira sesión presentarase a UGACOTA e a rede EUSUMO, explicarase como se traballa nunha cooperativa, as habilidades para manexar emocións, o autocoñecemento e autoestima.
Na segunda sesión a comunicación será a protagonista. A escoita activa, as barreiras da comunicación, a empatía e asertividade ou a habilidade para xestionar críticas, peticións e eloxios serán outros dos aspectos que se analicen.
Na terceira sesión analizaranse as habilidades en xestión social, traballo en equipo, as fases de maduración do equipo, os roles nos equipos de traballo… E na cuarta sesión os asistentes abordarán a toma de decisións, as vantaxes e inconvintes…
O Concello de Ribadeo, como entidade colaboradora, non é alleo ás novas tendencias “e cre preciso desenvolver a formación que conleve o fomento do espírito emprendedor no ámbito local, comarcal e transfronteirizo prestando apoio directo á creación e consolidación de emprego con base na economía local”.
As persoas interesadas en inscribirse poden facelo no seguinte enlace:
https://docs.google.com/forms/d/1A8wHF6_z6CKzqKgeaDUg80wfzQY7OW2YqTnJCOMSY_k/viewform
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
