O luns 11 de xullo dará comezo o servizo municipal de ludoteca en Viveiro que se instalará no pavillón do IES Vilar Ponte durante os vindeiros dous meses ata finalizar o 31 de agosto.
O servizo prestarase de luns a venres, de 08.30 a 14.30 horas, co que se amplía nunha hora o horario respecto á edición anterior, intentando, deste xeito, facilitar en maior medida a conciliación familiar e laboral durante estes meses estivais.
A ludoteca está destinada a nenas e nenos con idades comprendidas entre os 4 anos (cumpridos) e os 12 anos (incluídos) e ofrécese de xeito gratuíto para @s nen@s empadroad@s no Concello de Viveiro. Para @s nen@s non empadroados, o custo será de 30 euros semanais.
A ludoteca estará a cargo de profesionais con titulación no ámbito da educación infantil, monitoras de tempo libre e coñecementos de primeiros auxilios.
As prazas son limitadas, e por orde de inscrición ata completar aforo. A inscrición poderá realizarse na Oficina Municipal de Información Xuvenil situada no primeiro andar do Concello en horario de 10.30 a 14.00 horas a partir do luns 4 de xullo. É necesario achegar ficha de inscrición facilitada pola OMIX, fotocopia da tarxeta de Seguridade Social d@ nen@, fotocopia do DNI -e no caso de que non o teñan, do pai ou nai- e fotografía.
“Este servizo é unha das apostas deste equipo de goberno que, a pesar da política de recortes actual, continúa investindo para facilitar un servizo que considera esencial dende o punto de vista da educación, da diversión, do entretemento, do ocio e, sobre todo, da conciliación familiar”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
