O PP de Burela suxire que “Patricia Otero deixe a concellería de Economía”

Burela, a 6 de xullo de 2016.- O Grupo Municipal Popular (GMP) abstívose na votación das alegacións presentadas polos sindicatos CCOO, UGT e CSIF ós presupostos municipais para o presente ano 2016, porque “o propio informe da concelleira de Economía, Patricia Otero, recoñece que boa parte das alegacións presentadas teñen fundamento, e que haberá que facer correccións; por eso nos parece unha bulra que o goberno municipal vote en contra”.

Os populares consideran que “este goberno leva un ano e non pode presumir de boa xestión. No asunto das alegacións, resulta patético que tarden dous meses en resolvelas, xa que se presentaron todas nos seis primeiros días de maio. Cabe preguntarse qué o que fixo a concelleira Otero nestes dous meses, si, como di ela, boa parte das alegacións teñen fundamento. A resposta é mui doada, non fixo nada.”

“E decimos que non poden presumir de boa xestión, porque tanto o alcalde coma a concelleira Otero dixeron durante os primeiros meses de mandato que Burela contaría cos presupostos para 2016 en tempo en forma, a principios de ano. Como se ve, mentiron, porque Burela conta con presupostos para este ano agora, noi mes de xullo, sete meses despóis. E como se ve, traballaron pouco ou nada”, engaden os populares.

Polo tanto, “desde o GMP entendemos que a concelleira de Economía Patricia Otero ten xa un dobre récord, pero negativo: ser a primeira concelleira de Economía dese Concello que por primeira vez tarda sete meses en aprobar definitivamente os presupostos municipais do Concello de Burela, e ser a primeira concelleira de Economía que provoca que todos os sindicatos con representación no Concello presenten alegacións aos presupostos. Todo esto agravado por ser os primeiros presupostos que elabora”.

“Todo esto lévanos a pensar que os presupostos municipáis do PP para 2015 ou eran moi bos, e por iso os prorrogaron, ou a concelleira Patricia Otero non se sentía con gañas de traballar e deixou correr o tempo, prorrogando os presupostos do ano pasado, ou as dúas cousas ao mesmo tempo”, manifestan os populares.

“Por iso, desde o GMP non lle imos pedir que se vaia para a casa (aínda que se se fora teríao ben merecido polo exposto), pero sí lle suxerimos que deixe a delegación de Economía; sólo por unha cousa, pola incompetencia que tén demostrado no seu primeiro ano con eses magníficos records negativos”, din os populares.

Finalmente, manifestan que “se ela non dá o paso de ceder a un compañeiro ou compañeira máis capaz a delegación de Economía, debería ser o alcalde quen a obrigase, porque corremos o risco de que pase o mesmo cos presupostos do ano que vén, sobre os que xa hai que comezar a traballar”.