Ribadeo, 11 de xullo de 2016. Acisa fai un balance moi positivo do terceiro Ribadeo Indiano, que concluíu este domingo coas actividades celebradas onte pola tarde na Devesa e en Rinlo. O presidente, David Martínez, estima que unhas 35.000 persoas pasaron o fin de semana por Ribadeo e que o volume de negocio xerado pola terceira festa indiana foi de máis de tres millóns de euros.
Martínez considera que “en tan só tres anos Ribadeo Indiano converteuse en todo un éxito de participación, de implicación, de movemento económico. É o fin de semana máis importante do ano para os nosos hostaleiros e comerciantes, xunto á Semana Santa. Quero destacar o labor dos comerciantes e hostaleiros na decoración e na ambientación dos seus establecementos, na elaboración de menús e de bebidas da época. Todo co obxectivo de recrear da mellor forma posible a época indiana. Os hoteis estiveron a maioría ao 100% de ocupación e outros a rozaron. Os bares, mesóns e restaurantes traballaron sen descanso durante todo o fin de semana. Cando estaban a limpar e recollendo despois de servir centos de comidas ao mediodía, xa empezaba a hora dos viños e das ceas. Segundo cóntannos os nosos asociados foi un sen parar e estamos encantados por iso”.
O presidente de Acisa sinala que “Ribadeo Indiano vai a máis ano tras ano. Mostra diso é que os tres aparcadoiros provisionais habilitados polo Concello enchéronse este fin de semana. Podíanse ver coches aparcados ata A Vilavella por unha banda e ata o campo de fútbol polo outro. As rúas e prazas alagáronse de pamelas e de chapeus panamá. Nenos e nenas, adultos e maiores, todos gozan da festa indiana grazas ao amplo programa de actividades ofertadas con música, visitas guiadas, teatro, xogos, xincanas para adultos e para nenos e nenas, animación rueira. A imaxe que se podía ver desde Villafranca del Bierzo ata San Roque era espectacular, grazas á marea branca que alagou as rúas de Ribadeo durante estes tres días”.
David Martínez estima que “unhas 35.000 persoas pasaron por Ribadeo durante a celebración desta terceira festa indiana, que xerou un movemento económico de máis de tres millóns de euros”. E agradece “a implicación dos nosos comerciantes e hostaleiros, que é moi importante, pero tamén a dos nosos veciños, veciñas e visitantes que durante semanas prepararon as súas vestimentas para encher de colorido Ribadeo”. O presidente de Acisa destaca “o traballo conxunto realizado estes días do mesmo xeito que durante os últimos meses entre o Concello e a Asociación de Comerciantes para que o Ribadeo Indiano siga crecendo e atraendo a máis público. Agora toca facer balance e comezar a traballar na próxima edición desta festa”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
