Despois de pasar o proceso de eleccións a Xunta Directiva da ACD.XOVE para as que se informou a tódolos e se convocou Asamblea Extraordinaria, quedou ratificada por outro periodo de catro anos (2016-2020) a actual directiva trala presentación de candidaturas a unha nova presidencia.
Así, o pasado xoves 7 de xullo, firmáronse os novos cargos de directivos, quedando constituida a Xunta Directiva da seguinte maneira:
– Presidente: José Manuel Blanco Gonzalez
– Secretaria: Mª José Sanchez Fernandez
– Tesoureiro: Ovidio Rouco Otero.
– Vicepresidente: Miguel Angel Fra Fra.
– Vocais: Antonio Mazana García, Inés Díaz Campo, Dolores Yáñez Núñez, Jesús Maragoto Polo, José Antonio Fernandez Vázquez e Francisco M. López Fernández.
Nesta nova etapa, incorporanse á Xunta Directiva, José Antonio Fernández Vázques “Toto” e Francisco M. López Fernandez “Pakito”, e danse de baixa, Mª Carmen Fernández Lamelas e José Ramón López Pena.
Un total de 10 directivos repartiranse as súas funcións nas distintas Escolas Deportivas e Culturais da ACD.XOVE que para a vindeira tempada 2016-2017 ofertará:
– Fútbol Sala (categorías: peques, pre-benxamín, benxamín, alevín, infantil e cadete).
– Fútbol 8 (categorías benxamín e alevín)
– Baloncesto (categorías dende peques a cadetes)
– Patinaxe Artística (de 5 a 16 anos)
– Karate (de 5 a 16 anos)
– Atletismo (categorías de benxamín a cadete)
– Xadrez (categorías de pre-benxamín a cadete)
– Tenis de Mesa: (categorías de benxamín a Cadete)
– Xogos Pre-Deportivos (nen@s de 3 e 4 anos)
– Aerobic-Pilates-Fitness (maiores de 12 anos e adultos)
Tamén se ofertarán dúas Escolas Culturais:
– Teatro (de 8 a 16 anos)
– Pintura (a partir de 8 anos e adultos)
Así mesmo a ACD.XOVE conta con outras actividades como son:
– Sendeirismo. Cun Grupo, formado por máis de 100 persoas, tanto de Xove, como de outros Concellos da Mariña e que organiza Rutas de Sendeirismo por Galicia, Asturias e León.
– Surf. Cursos de Surf (Iniciación e Perfeccionamento) para nenos, durante todo o verán.
E tamén organiza actividades deportivas anuais coma o “Día da Bicicleta”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
