Foz, 12 de xullo 2016. O xoves 14 comezan as Festas do Carme en Foz, que se prolongarán ata o domingo 17. No programa destacan os festivais Coa Nosa Fala e Aires do Masma e as tradicionais alfombras florais para a procesión se celebrará o sábado 16.
A concelleira de Cultura, Silvia Blach, anunciou hoxe que “as festas do Carme este ano empezámolas o xoves 14, na igrexa parroquial ás oito da tarde temos a misa cantada polo grupo Mar Aberto e ao remate o pregón das Festas do Carme encargado a José María García Rivera, ex alcalde do concello de Foz. Ás dez da noite no Campo da Cabana empezamos co V festival Coa Nosa Fala con concertos de música galega”.
Silvia Blach engadiu que “o venres 15 temos na igrexa parroquial ás 20:00 horas, a misa de fin da novena do Carme cantada pola Coral Polifónica de Foz e á mesma hora no Campo da Cabana o XVII festival Aires do Masma no que actuarán a Asociación Cultural e Folclórica Marisol Egea, de Málaga, e A Subela, de Foz. A partir das 22:30 horas a gran verbena coas orquestras Palladium e La Oca Band, na praza Conde Fontao e na explanada do porto; e a partir das 23:00 horas invitamos a colaborar na confección das alfombras florais tanto a veciños como a visitantes, decoración que se vai facer polas rúas da vila para o paso da Virxe do Carme en procesión ó día seguinte”.
A responsable de cultura focense destacou que “o sábado 16 é o gran día das Festas do Carme e ás 12:00 horas comezamos na igrexa parroquial coa misa solemne cantada polo Coro Parroquial de Foz e a continuación a procesión polas rúas da vila. A Virxe vai ir en hombros dos porteadores e percorrerá as rúas que van estar adornadas coas flores e imos ir acompañados da Banda de Música de Foz e os grupos folclóricos A Subela, O Feitizo e Andaravio. Ás 18:00 horas no Paseo da Ribeira temos xogos infantís gratuítos, ás 20:00 horas na igrexa parroquial vai ser a misa na honra dos náufragos e a ofrenda floral vaise facer no monumento ao mariñeiro despois da misa, do Concello de Foz e de toda a xente dedicada ao mar. Vai ser en Tupide, onde sempre”.
Silvia Blach engadiu que “ás 21:00 horas no polideportivo Campo da Cabana haberá o concerto da Banda Sinfónica Infantil e Xuvenil do Principado de Asturias e a partir das 20:00 horas o festival Vrao no escenario Namarinos. A partir das 22:30 horas na praza Conde de Fontao e na explanada do porto, terá lugar a gran verbena coas orquestras Nueva Fuerza e Claxxon”.
A edil de Cultura rematou comentando que “o domingo 17, tamén na praza Conde de Fontao e na explanada do porto, a partir das 22:30 horas teremos a verbena coa orquestra Fania Blanco Show”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
