O Vicepresidente da Deputación, Álvaro Santos Ramos, presentou este xoves a décimo primeira edición do Criterium Aeronáutico, que se celebrará do 22 ao 25 de xullo no aeródromo de Rozas. Esta iniciativa está organizada polo Real Aeroclub de Lugo e conta cunha achega provincial de 10.000 euros para a organización do mesmo. O evento coincidirá ademais coa XXXIII Volta aérea a Galicia – Volta Galaico Duriense.
O Vicepresidente destacou que “é un privilexio poder contar na provincia de Lugo cun evento destas dimensións, que pola variedade e calidade das actividades que ofrece, conta cunha repercusión mediática internacional, ademais de supoñer un importante impacto económico xa que atrae a preto de 5.000 persoas, pernoitando, comendo e mercando en diferentes establecementos lucenses, o que sen dúbida dinamizará a economía local e provincial”.
Neste senso, Santos Ramos informou que máis de 150 aeronaves e preto de 5.000 persoas, entre pilotos e afeccionados, daranse cita durante a vindeira fin de semana en Rozas, consolidando ao Criterium Aeronáutico como un referente do panorama nacional. A magnitude do evento é tal que as prazas para inscribirse nalgunhas actividades, como o salto en paracaídas, esgotáronse en cuestión de horas.
Pola súa parte, Luis Abelleira, presidente do Real Aeroclub de Lugo, explicou que esta cita ten un dobre enfoque, por un lado deportivo para o goce dos pilotos que participan nos distintos campionatos, e por outro, divulgativo xa que un dos obxectivos que persegue é “achegar o mundo da aviación ao público en xeral, permitíndolles participar nas diversas actividades que organiza”, remarcou.
XXXIII Volta aérea a Galicia
A XXXIII Volta aérea a Galicia – Volta Galaico Duriense celebrarase os días 22 e 23 de xullo, xunto ao resto de actividades do XI Criterium Aeronáutico Galicia 2016. Constará de dúas etapas sinxelas con orixe e destino no aeródromo de Rozas. Aínda que a programación inicial prevé a realización dunha etapa o venres e outra o sábado, as tripulacións que non poidan chegar a tempo o venres poderán realizar as dúas etapas o sábado.
Programación
Venres, 22 de xullo:
– Voos en avión, ultralixeiro, acrobático, paramotor e globo
– Saltos – Paracaidismo
– Simulador de voo
– Exposición estática INTA, aeronaves históricas e motos clásicas
– Sorteos de voos (Avión histórico, globo e patrocinadores).
– Aeromodelismo / Drons
– I Etapa XXXIII Volta Aérea
Sábado, 23 de xullo:
– Bautismos de avión
– Bautismos de ultralixeiro
– Voos en avión, ultralixeiro, acrobático, paramotor e globo
– Saltos – Paracaidismo
– Simulador de voo
– Exposición estática INTA, aeronaves históricas y motos clásicas
– Sorteo de voos (Avión histórico, globo e patrocinadores)
– Aeromodelismo / Drons
– Aeronaves apagalumes, DGT, Guardia Civil, Policía, etc.
– Circuito de karts infantiles
– Hinchables para nenos
– II Etapa XXXIII Volta Aérea
Domingo, 24 de xullo
– Voos en avión, ultralixeiro, acrobático, paramotor e globo
– Saltos – Paracaidismo
– Simulador de voo
– Exposición estática INTA, aeronaves históricas e motos clásicas
– Sorteos de voos (avión histórico, globo e patrocinadores)
– Aeromodelismo / Drons
– Aeronaves apagalumes, DGT, Guardia Civil, Policía, etc.
– Circuíto de karts infantiles
– Inchables para nenos
– Dispersión XXXIII Volta Aérea a Galicia
Luns, 25 de xullo
– Voos en avión, ultralixeiro, acrobático, paramotor e globo
– Saltos – Paracaidismo
– Simulador de voo
– Exposición estática INTA, aeronaves históricas e motos clásicas
– Sorteos de voos (Avión histórico, globo e patrocinadores)
– Aeromodelismo / Drons
– Aeronaves apagalumes, DGT, Guardia Civil, Policía, etc.
– Circuíto de karts infantiles
– Inchables para nenos
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
