A Mariña, 14 de xullo de 2016. O BNG na Mariña presentou a campaña polo 25 de xullo “Día da Patria Galega” que este ano celebrará baixo o lema “Galiza Viva. Soberanía e traballo”. Como cada ano celebraranse actos lúdicos e reivindicativos na comarca os día 17 de xullo ás 14:30 hrs. na área recreativa da Insua en Barreiros coa “XI Manifesta da Patria Galega” e o 23 de xullo no peirao de Foz coa “XXIII Festa da Patria” que culminarán coa asistencia mobilización do 25X en Compostela para o que se convida a todas aquelas persoas e colectivos que queiran asistir facilitando o transporte co flete de buses desde a comarca podendo anotarse nos tlfs. 982140654 e 636500651.
Na rolda de prensa de presentación da campaña participou unha representación da organización nacionalista nas localidades de Foz e Barreiros, así como responsábeis políticos da Executiva Comarcal do BNG e Rubén Cela, membro da Executiva Nacional do BNG.
Dúas citas xa históricas os días 17 e 23 en Barreiros e Foz
Como noutros anos o BNG mantén dúas citas históricas na comarca nos días previos a 25X: a primeira terá lugar na Area Recreativa da Insua en Barreiros este domingo 17 de xullo coa “XI Manifesta da Patria Galega” a partir da 14:30 hrs. onde haberá un xantar colectivo, xogos tradicionais, música e intervencións políticas e contará coa participación de Xosé Luís Rivas “Mini”. O día 23 no peirao de Foz a partir da 19:00hrs. celebrarase a “XXIII Festa da Patria”, unha cita que xa forma parte do calendario festivo na comarca onde se poderá desgustar o tradicional chicharro lañado nun ambiente lúdico e festivo.
O BNG convoca este ano a manifestación nacional do “Día da Patria” baixo o lema “Galiza Viva. Soberanía e traballo”, sendo conscientes de que “a data do 25X debe ser un momento para celebrar de xeito festivo, mais tamén reivindicativo a pertenza a unha nación antiga, viva e con dereito a actuar no mundo como tal, sen tutelas e dona de si mesma”.
O 25X é unha data para reivindicar o dereito a decidir sobre os nosos recursos e potencialidades.
Ana Ermida Igrexas, responsábel comarcal do BNG, explicou que o 25X é unha data para reivindicar o orgullo deste país dinámico, vivo e cheo de potencialidades no que os galegos e as galegas queren vivir con dignidade”.
Temos dereito a decidir sobre os nosos recursos e capacidades sen que outros decidan por nós, e puxo como exemplo a decisión tomada en Madrid de suprimir na comarca o tren de mercadorías que transportaba aluminio de San Cibrao a Amorebieta que colapsará de camións a xa deplorábel e saturada situación da N642 sobre a que tamén deciden desde Madrid, ou as decisións tomadas a centos de quilómetros sobre a enerxía eléctrica que se produce aquí que non deixa na práctica ningún beneficio a empresas e particulares no territorio onde se produce, afirmou Ermida.
Citas no Festigal e facilidade para asistir á manifestación do día 25 en Compostela.
A portavoz nacionalista animou a participar a persoas e colectivos nos actos do 17 de xullo en Barreiros e o 23 en Foz, así como a asistir ao Festigal que se celebrará os días 24 e 25 de xullo na Carballeira de Santa Susana en Compostela organizado por Galiza Nova e a Fundación Galiza Sempre que contará con actuacións musicais, culturais e como todos os anos será un evento onde se mostrará o mellor da Galiza viva e moderna na que vivimos.
Igualmente puxo a disposición de todas a persoas que queiran participar da mobilización do 25X en Compostela que partirá da Alameda ás 12 da mañá para rematar como é tradicional na Praza da Quintana. Para isto favorecerase o transporte colectivo coa posta a disposición de autobuses ao prezo de 5 euros nos que se deberá reservar praza chamando aos tlfs. 982140654 e 636500651.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
