O colectivo “Por nuestro faro” pretende “seguir loitando por clarificar unha situación que nos parece inadmisible: irregularidades constatadas no proceso de adxudicación, a ocultación de información por parte do Concello de Ribadeo e a outorgación da licenza fóra de prazo e sen cuestionar a validez dos informes”.
“Esta semana entramos en contacto co Valedor do Pobo ao que remitiramos as nosas queixas para saber en que punto se atopaban os trámites e comunicáronnos que solicitaron o informe ao Concello de Ribadeo, o día 17 de xuño, dándolle un prazo de 15 días para contestar, pero que, a día de hoxe, case un mes despois, non obtiveron resposta. Resulta incrible este mutismo, alarmante, en calquera sociedade democrática que se prece e dá unha imaxe pésima do Concello de Ribadeo”.
Doutra banda, “a persoa coa que falamos por teléfono lembrounos, como di o alcalde de Ribadeo, que as licenzas son actos regrados polo que se os informes son favorables ten que concederse a licenza, con todo, díxonos tamén que os informes poden ser discutibles e o Concello non está obrigado a aceptalos por decreto (como os informes da Rede Natura ou de viabilidade económica). Agora toca esperar, como sempre, a resposta ou non resposta do Concello de Ribadeo”.
“Nós, no colectivo “Por nuestro faro”, pensamos que existe unha parcialidade evidente ao asociarse falta de rigor, mutismo e segredo”. Así, “reunirémonos o mércores 20 de xullo para tratar estas cuestións e ver cales poden ser os camiños posibles e vías para defender o que pertence a todos, posto que as institucións competentes non o fan”.
“Ao mesmo tempo, e doutra banda, cremos que resulta unha tomadura de pelo para todos os ribadenses, e sobre todo para os defensores do hotel, que o argumento número 1 utilizado para a reconversión do faro, e que era o acceso á illa, desapareza sen máis e que o acceso pase a ser exclusivo dos ocupantes foráneos do futuro hotel. Nós sempre defendemos o acceso á illa, desde o público, de forma regulamentada, respectuosa e democrática, e cremos que o que se fixo foi unha manipulación da opinión pública para que prosperase a idea do hotel”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
