Foz, 18 de xullo de 2016. Varios concertos dentro dunha nova edición de Sons na Rúa e o festival Vrao, ademais das festas do Carme en San Martiño completan a programación organizada pola Concellería de Cultura para esta segunda quincena de xullo.
A concelleira de Cultura, Silvia Blach, explica que “o venres 22 a partir das 21:00 horas na praza Pardo de Cela, temos a XI edición de Sons na Rúa; seguimos co concerto esta vez do grupo Mar Aberto. En San Martiño ese mesmo día na zona da Capela do Carme, a partir das 20:00 horas, temos as festas do Carme. Desde ás 20:00 horas vai haber os autobuses de balde desde Foz ata San Martiño e ás 21:30 horas comezará o pregón a cargo de doña Eulalia Rodríguez Pérez. Despois haberá gran churrascada e paella xigante, e a verbena coas orquestras Fenix e Mayel. O sábado 23, en San Martiño ás 13:30 horas, vai haber a misa solemne e a continuación sesión vermú co grupo Fénix. A partir das 20:00 na igrexa parroquial de Santiago de Foz celebrarase o XXXII aniversario da Coral Polifónica de Foz coa misa e o concerto tradicional. En San Martiño máis ou menos á mesma hora comezará a prepararse a gran verbena de París de Noia e Panorama. E a partir das 21:00 horas en Foz, o Festival Vrao, como todos os sábados do mes de xullo”.
Silvia Blach engade que “o domingo 24 na praia de Tupide, a partir das 17:30 horas, temos xornada de bautismo náutico. Na zona da Capela do Carme en San Martiño, ás 13:30 horas, seguen as festas do Carme coa misa solemne e a sesión vermú co grupo Merengue”.
Para o último fin de semana de xullo a concelleira de Cultura focense subliña que “o venres 29 ás 21:00 horas na praza do Concello temos a XI edición de Sons na Rúa coa Coral Polifónica de Foz. O sábado 30 a partir das 20:30 horas diante do Cenima haberá o Zorza Celtas, unha zorzada popular organizada polo club de baloncesto Celtas de Foz. E das 21:00 horas a 3:00 da madrugada teremos a última actuación do Festival Vrao deste ano no escenario Zorza Celtas”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
