O Grupo Provincial do PP rexistrou unha moción para o seu debate no vindeiro Pleno na que pide que a Deputación habilite unha liña de axudas, en réxime de concorrencia competitiva, destinada a subvencionar ás escolas municipais de música. Para iso, os populares demandan que se teñan en conta tres aspectos fundamentais: o esforzo e implicación realizado polas administracións locais, a organización educativa e a capacidade de dinamización sociocultural.
O PP destaca o gran labor que están a levar a cabo cada unha das escolas de música municipais que existen na provincia, un traballo que representa un importante desembolso económico para os concellos, posto que o seu mantemento supón investimentos que oscilan entre os 25.000 e os 225.000 euros, dependendo do municipio do que se trate.
A voceira do PP, Elena Candia, considera que se fai necesario dotar ás administracións públicas que sustentan escolas de música con recursos suficientes para levar a cabo a tarefa educativa, con especial dedicación e facilitando que podan ofertar un ensino de calidade.
Así, tendo en conta a crecente demanda e a importante labor social que aportan as escolas de música, o PP pensa que xorde a necesidade de que a Deputación de Lugo se comprometa a axudar, non de xeito puntual, senón a través dunha liña de axudas consolidada, para dar contido a estas escolas de música e propiciar deste xeito que podan traballar de forma estable ao longo do tempo.
As mesmas oportunidades para todos
Os populares recordan que a cultura e as artes son compoñentes básicos dunha educación integral que permite ao individuo desenvolverse plenamente. Polo tanto, o desenvolvemento creativo e cultural debe ser unha meta básica para a educación.
Candia precisa que a educación musical debe considerarse unha parte imprescindible da educación, polo que esta liña de axuda contribuiría a proporcionar a todas as persoas as mesmas oportunidades para desenvolver a súa actividade cultural e artística.
O Grupo Municipal do PP toma como referencia para facer esta proposta a Orde da Consellería de Educación e Ordenación Universitaria de 11 de marzo de 1993 que regula a creación e o funcionamento das escolas de música da Comunidade Autónoma de Galicia, destacando a especial responsabilidade das corporacións locais nesta materia.
20 escolas de música provinciais
Na actualidade están a funcionar na provincia 20 escolas de música municipais nos concellos de Begonte, Burela, Mondoñedo, Chantada, A Pontenova, Meira, A Pastoriza, Guitiriz, Rábade, Ribas de Sil, Taboada, A Pobra do Brollón, Paradela, Monforte, Sober, Foz, Ribadeo, Sarria, Xove, e Outeiro.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
