Ribadeo, 21 de xullo de 2016. A concelleira de Sostibilidade Ambiental e Medio Mariño, Paz Ermida, destaca o grande esforzo económico que está a realizar o Concello para prestar os mellores servizos na praia das Catedrais e no resto dos areais. En total son 26 as persoas que traballan durante este verán, das que só 8 son custeadas pola Xunta de Galicia.
Ermida dixo que “o Concello de Ribadeo quere deixar claro, sen ningún ánimo de protagonismo mais deixando claro o traballo e o esforzo económico que supón para nós, parécenos cando menos inxusto que todo o éxito e recoñecemento que está a ter o areal das Catedrais se lle atribúa á Consellería de Medio Ambiente da Xunta”.
A edil nacionalista subliñou que “contamos cun total de 26 traballadores, entre persoal de salvamento e limpeza para as praias, dos que soamente 8 están subvencionados pola Xunta por un período de 2 meses. E a estes 8 traballadores o Concello págalles 100 euros máis a cada un para equiparar o salario do ano anterior. Aumentóuselles o tempo de contratación para ofrecer servizos o máximo tempo posible, contratamos a persoal de limpeza desde Semana Santa. Todo a cargo do Concello de Ribadeo co esforzo, repito, económico e de organizativo que iso supón”.
A concelleira de Sostibilidade Ambiental e Medio Mariño indicou que “tanto o goberno de Ribadeo como os traballadores que neste momento forman parte do equipo de Medio Ambiente traballamos para cumprir coas nosas obrigas, cada quen onde lle compete. Non precisamos loubanzas máis aló do recoñecemento do traballo ben feito, que sempre se agradece, mais tampouco imos permitir que ninguén recolla os froitos que nosoutros sementamos”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
