SANTIAGO .- O Parlamento de Galicia acordou, a iniciativa do Grupo Popular, e co apoio de todas as forzas políticas, reclamar ao Goberno central que os pagos das axudas polas paralizacións temporais da flota se abonen ao finalizar o período no que se establece a parada e evitar así o que acontece a día de hoxe, cando o Executivo aínda adebeda gran parte das contías correspondentes ao ano 2008
A través dun pronunciamento unánime, os grupos políticos galegos emprazan ao Goberno central a acometer a modificación do actual sistema de pagamento de tal xeito que poidan realizarse os abonos “con celeridade e cando de verdade son necesarios”. De feito, o acordo require ao Executivo socialista que naqueles casos nos que a paralización de actividade supere os 30 días, os abonos deben efectuarse a mes vencido, como si se tratase dun salario.
O voceiro do Mar do Grupo Parlamentario Popular, José Manuel Balseiro Orol explicou que esta modificación beneficiaria aos mariñeiros das flotas de palangre de superficie, Gran Sol e caladoiro nacional que cada ano están obrigados a soportar un cese na súa actividade pesqueira decretado polo Ministerio de Medio Ambiente, Medio Rural e Mariño conforme ao disposto na lexislación europea.
O acordo final, transacionado por PP, PSdeG e BNG, pide tamén ao Executivo central que proceda a descontar automaticamente das axudas que deben percibir os mariñeiros as cantidades correspondentes á prestación por desemprego, de tal xeito que non suceda como na actualidade, cando desde a administración central se lles está obrigando a reintegrar as cantidades percibidas en concepto de paro, nun só pagamento e de xeito íntegro, se queren recibir a axuda correspondente. Como é lóxico, moitos mariñeiros non poden facer fronte a este requirimento xa que, durante o tempo no que está amarrado o barco, non perciben ningún tipo de ingreso, e xa esgotaron a súa prestación para a subsistencia da súa familia e gastos propios da súa vida diaria.
O acordo final pide tamén que a Xunta poña en marcha unha campaña de información, dirixida aos tripulantes, e a través das que se modifique a existencia, garantías e proceso de tramitación das devanditas axudas
LENTITUDE ADMINISTRATIVA
José Manuel Balseiro Orol, autor desta iniciativa, explicou que os mariñeiros “non teñen porque verse prexudicados polo colapso burocrático, a lentitude administrativa e a falta de interese” do Ministerio de Medio Ambiente, Medio Rural e Mariño, nin soportar longos períodos de tempo sen obter os seus ingresos, “máxime agora que a crise repercute con especial virulencia nas economías familiares das xentes do mar”. O voceiro do Mar do PPdeG lembrou tamén a “falta de sensibilidade” do Goberno central actual para con estas flotas xa que lonxe de mellorar os procedementos polos que se outorgan este tipo de axudas “están a empeoralos”. O voceiro do Mar afonda neste argumento e explica que na actualidade o Executivo de Zapatero se demorou en exceso na publicación da orde de axudas para mariñeiros –que apareceu en xullo, cando en moitos casos as paradas xa se tiña efectuadas nos meses de novembro e decembro-.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
