Ribadeo, 22 de xullo de 2016. As dúas Xeorutas organizadas polo Concello de Ribadeo e que discorren pola contorna da praia de As Catedrais e polo o pobo de Rinlo comezaban este xoves e levaranse a cabo ata o 18 de setembro, segundo anunciou este venres a concelleira de Turismo, Ana Martínez, que lembrou que “Ribadeo foi pioneiro o ano pasado na posta en marcha destas iniciativas”.
A edil nacionalista comentou que “pasado o ecuador deste mes de xullo vemos como Ribadeo está a tope de xente, como ano tras ano nos imos posicionando como ese destino turístico preferente para moitas persoas. Desde o Concello nos sentimos alagados por esta elección de tanta xente que quere vir visitar a nosa vila, o noso concello, e queremos seguir apostando por un turismo responsable e sostible que combina o goce co coidado. Iso é moi importante cando un destino turístico quere posicionarse debemos apostar, pero tamén conservar e coidar”.
Martínez dixo que “dá gusto ver a nosa costa case virxe, escoitando a moita xente que nos di que en poucos lugares a poden ver así, esa costa aberta que respecta o entorno e o medio ambiente para nós tamén é unha satisfacción. Nesa aposta seria tamén desde o Concello vemos os froitos. Podemos ver diversas noticias nas que nos posicionamos pola excelencia en lugares destacados de portais de internet como un turismo importante en praias e hoteis. En definitiva como ese destino que imos construíndo entre todas e todos os ribadenses para que sexamos atractivos en practicamente todo o mundo. Como xa ven dixo o alcalde hai uns días Ribadeo luce como unha estrela neste universo do turismo”.
A concelleira de Turismo explicou que “neste marco onte puxemos a andar unha iniciativa que tamén foi pioneira no concello de Ribadeo o ano pasado como son as Xeorutas. Hoxe podemos ver como outros concellos tomaron esta iniciativa o cal para nós é importante porque hai concellos próximos que tamén están poñendo en valor esa parte do patrimonio xeolóxico que nós temos case no seu punto máximo na praia de As Catedrais”.
Ana Martínez manifestou que “se ben estas rutas non soamente se centran na praia de As Catedrais senón que buscamos un pouco dar diversidade e que o visitante que se achegue á praia poida coñecer o resto da evolución xeolóxica da nosa contorna. De feito vaise mergullar nunha viaxe de máis de cincocentos millóns de anos aquel que decida facer estas Xeorutas, que xa o ano pasado tiveron unha gran acollida cando máis de tres mil persoas as realizaron”.
A concelleira de Desenvolvemento Local e Turismo indicou que “poden gozar de dúas visitas interpretadas con persoas expertas en temas xeolóxicos e medioambientais. Unha será na contorna próxima á praia de As Catedrais, esa é a Xeoruta dos Arcos, que se converte nun pequeno paseo por ese litoral ribadense coñecendo os arcos rochosos dende a parte superior e cando a marea o permite se pode baixar á praia. Poderase facer durante os meses de xullo e agosto ata o 18 de setembro incluído, de martes a domingo, con catro saídas, ás 11:00 horas, ás 12:30 horas, ás 17:00 horas e ás 18:30 horas. O grupo máximo é de quince persoas para así poder explicar e manexar o grupo nunha contorna un pouco complicada, e para obter información tanto nesta ruta dos Arcos como da Xeoruta dos Ollos, que será pola contorna de Rinlo será a través da páxina web de turismo.ribadeo.gal ou directamente en ascatedrais.gal”.
Martínez engadiu que “a Xeoruta dos Ollos está na contorna do pobo mariñeiro de Rinlo ao que moita xente tamén se achega a gozar dese encanto peculiar que ten Rinlo, e teremos un horario un pouco diferente, será os venres en horario de tarde de 17:00 horas a 18:30 horas, e os sábados e domingos en horario de mañá. Tamén en grupos reducidos de quince persoas e o punto de encontro será na pista de San Pedro de Rinlo”.
Visitantes
A concelleira de Turismo tamén se referiu ao número de consultas realizadas nas oficinas de turismo de Ribadeo e das praias das Catedrais: “temos que dar uns datos importantes porque se o ano pasado falabamos de que eran preto de 12.000 persoas as que solicitaron información na Oficina de Turismo de Ribadeo, durante a primeira quincena do mes de xullo, este ano está superada esa cifra. Falamos de que a día de hoxe nos achegamos ás 15.000 solicitudes de información entre as dúas oficinas. As Catedrais supera as 8.000 e a de Ribadeo está preto das 7.000”.
Ana Martínez creo que “o turismo non soamente está vindo senón que está aumentando en número importante. A páxina web segue sendo unha ferramenta importante, a nivel nacional Madrid é de onde se achegan máis visitantes a Ribadeo, a nivel internacional desde Europa os franceses son os que máis nos visitan e desde América desde os Estados Unidos. O camiño de Santiago segue sendo un recurso importante e en alza. Os dous albergues públicos que hai en Ribadeo están cheos todos os días, un ten 12 prazas e outro 24”.
A edil nacionalista anunciou “unha novidade na que tamén están traballando as técnicas da Oficina de Turismo é unha nova ruta pola zona vella na que queremos por en valor a ruta dos comerciantes marítimos, que tamén foi moi importante na nosa vila. Despois do grandísimo éxito que tivo o Ribadeo Indiano queremos potenciar ese outro valor”.
Finalmente Ana Martínez quere “dar as grazas a todos os axentes que traballan polo turismo en Ribadeo, tanto comerciantes e hostaleiros, creo que entre todos e todas estamos conseguindo que Ribadeo luza con luz propia”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
