A Mariña, 1 de agosto de 2016. A Mancomunidade de Municipios de A Mariña celebrará este martes dúas reunións para abordar cuestións relacionadas co turismo e co emprego. Na primeira delas abordarase a organización de cursiños para a mellora dos servizos de restauración e de hostalería, entre outros asuntos, e na segunda tratarán o plan Avanza para a promoción do emprego, que se desenvolverá en seis concellos.
O presidente da Mancomunidade, Alfredo Llano, explicou que “este, martes, teño convocadas dúas reunións, unha delas é unha comisión de seguimento do programa de turismo. Ímonos reunir coa técnica de turismo da Mancomunidade para ir mirando de executar todo o que temos programado para os vindeiros meses como son as rutas artesanais, o mes da maxia e outras cuestións que estamos aí pendentes como é a promoción do Camiño Norte ou en materia de ensino, xa que queremos poñer en marcha a partir do mes de setembro unha iniciativa, que constaría de tres partes unha delas sería a Mancomunidade, outra sería a educación e outra as asociacións de comerciantes de A Mariña. Queremos comezar en setembro con cursiños, xornadas ou simposios sobre cómo mellorar os nosos servizos de restauración e hostalería aquí na Mariña”.
Alfredo Llano dixo que “reunirémonos ás 18:00 horas para mirar de xa ir culminando e preparándonos para executar o que queda de programa para este ano. Lembrar que a comisión está conformada por un representante do Bloque, un do PSOE e outro do PP”.
O presidente da Mancomunidade contou que “por outro lado tamén temos aquí previsto para seis concellos que son Barreiros, Mondoñedo, Pontenova, Riotorto, Burela e Vicedo, desenvolver o que é a posta en práctica do programa integrado para o emprego. É o programa Avanza que está dotado na súa totalidade de 112.000 euros dos cales teñen que poñer unha parte os concellos e outra parte a Xunta de Galicia”.
Llano subliñou que “neste programa participarían 60 persoas das cales 4 serían para persoas desempregadas con discapacidade, 5 para persoas desempregadas en risco de exclusión social incluídas as perceptoras do RISGA, outras 3 para mulleres desempregadas que acrediten a condición de vítimas de violencia de xénero, 22 para menores de 30 anos desempregados de baixa cualificación, 14 para menores de 30 anos e 12 para mulleres desempregadas. En total 60 persoas. A subvención di que hai que facer unha inserción de 21 persoas para darlles unha oportunidade laboral unha vez que estean ou ben facendo esta formación ou unha vez que rematen”.
O presidente da Mancomunidade engadiu que “este é un programa que empezaría posiblemente o 1 de setembro e remataría o 31 de agosto do ano que ven. Cada concello ten que aportar unha cantidade, este ano todos igual en torno a 2.000 euros e o ano que ven sería outra cantidade un pouco maior. Mañá imos falar os seis representantes de cada un dos concellos de a ver cómo facemos e cómo nos organizamos, se é posible que haxa solvencia en todos os concellos para enfrontarnos a este programa. Eu considéroo importante no aspecto de que trataríamos da inserción laboral dunhas persoas que pola súa natureza, polas súas condicións e pola súa dificultade para atopar emprego, creo que faríamos unha boa labor se nos poñemos de acordo”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
