Foz, 4 de agosto de 2016. A basílica de San Martiño acollerá un concerto de guitarra este venres, e no Cenima de Foz hai ata o día 15 deste mes dúas exposicións: unha de debuxos de Juanel e a outra de fotografías de Pepe Álvez.
O concerto de guitarra clásica e corda pulsada correrá a cargo de Fernando Pérez e está organizado pola Delegación de Cultura do Concello de Foz para este venres, día 5, ás 19 horas na basílica de San Martiño.
En canto ás exposicións que se poden ver estes días, ata o 15, no Cenima de Foz, unha delas é de debuxos de Juanel e leva por título Memoria do Mar de Foz.
A outra mostra é de fotografías do lucense Pepe Álvez, que foron realizadas cun teléfono móbil e titúlase Mobilandia II. Organizada pola Asociación de Prensa de Lugo (APL), co patrocinio da Área de Cultura da Deputación, Mobilandia II está integrada por preto dunha trintena de fotos de paisaxes e de temática moi diversa nas que o autor deixa de manifesto as posibilidades artísticas que poñen a disposición de calquera persoa as cámaras dos teléfonos.
A Asociación da Prensa de Lugo explica que “coa colaboración do organismo municipal de Foz, Mobilandia II inicia na Mariña un percorrido por concellos e outras entidades da provincia de Lugo, tras permanecer aberta no Museo Provincial e nun histórico establecemento hostaleiro da cidade lucense con motivo do peche definitivo da súa actividade. Pepe Álvez (Lugo, 1953), dedicouse durante 34 anos á fotografía en prensa, pero nunca esqueceu a faceta artística desta actividade, coa que se iniciou como afeccionado antes de centrarse profesionalmente na información gráfica. O avance tecnolóxico experimentado tamén polas cámaras que incorporan os teléfonos animouno a deixar na casa a súa tradicional máquina de retratar e, en cambio, non esquece nunca nas súas viaxes e paseos o móbil, o seu máis recente medio para facer arte.
A exposición pode ser visitada na sala do edificio do Cenima, situado na zona marítima de Foz, de 11:00 a 14:00 horas e de 17:00 a 20:00, de luns a sábado”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
