Foz, 16 de agosto de 2016. O alcalde de Foz, Javier Jorge Castiñeira, destacou a boa organización e a ausencia de incidentes pese á gran asistencia de público que houbo nas festas de San Lourenzo e no Why Not Here Fest. Ademais o rexedor lembra que as actividades continúan no municipio esta semana, con eventos como a feira do libro, a multisectorial e a de gando na parroquia de Cangas.
Javier Castiñeira manifestou esta mañá que “hoxe é o momento de facer valoracións despois de nove días intensísimos no concello de Foz, con festas e diferentes actos, eventos que encheron o noso municipio. Foron días de moito traballo para todo o mundo, pero dende logo o equipo de goberno e o persoal do Concello estamos moi satisfeitos polo labor que se fixo. Eran nove días moi complicados, que empezaron o 6 e que incluíron entre outras moitas cousas, aparte de dous fins de semana, as festas do San Lourenzo e un remate excepcional do festival Why Not Here Fest. Houbo moita xente que atender no pobo, na mesma liña que en toda A Mariña, pero estamos contentos porque o funcionamento dos dispositivos creados para estes nove días funcionaron moi ben, tanto no referido aos cortes de tráfico como no seguimento do plan de seguridade tanto do San Lourenzo como do festival musical. Houbo un moi bo traballo por parte dos servizos municipais e especialmente quero agradecer á Policía Local o seu traballo durante estes nove días, cunha coordinación absoluta. Hai que ter en conta tamén que no medio tivemos un mercado semanal que houbo que desprazar, localizando a cada tendeiro nun novo emprazamento, cun resultado moi bo. Polo tanto, as miñas felicitacións ao equipo da Policía Local, pero tamén á comisión de festas do San Lourenzo, a asociación Sempre Foz, e aos organizadores do festival Why Not Here Fest, a produtora La Fleur Producciones; en definitiva, a todos aqueles que participaron nos eventos destes nove días que deron moita actividade ao pobo e isto fai que a xente siga confiando en Foz para pasar o seu ocio, a pesar de haber tamén noutras localidades moitas actividades e festas, que tamén tiveron moita aceptación”.
O alcalde focense engadiu: “o que se trata é de que a xente goce e teña moitas alternativas en toda A Mariña, pero sobre todo no noso concello, e a valoración definitiva é moi boa porque non houbo ningún tipo de incidentes. As praias estiveron ateigadas, os festivais exactamente igual, as festas do mesmo xeito, coa culminación cos fogos artificiais do día 10, que foi estupenda. Polo tanto debemos estar todos moi contentos, pola ausencia de incidentes e con moita xente”.
Castiñeira espera “que continúen así as seguintes actividades, que xa se están a preparar para este fin de semana, con moitos eventos tamén, como son a feira multisectorial, a Feira do Libro, en Cangas a feira de Gando; e actos deportivos, como as horas de baloncesto e demais. Polo tanto aí seguimos a tope para gozar todo o mes de agosto e incluso os primeiros días de setembro”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
