Pouco a pouco imos coñecendo as distintas listas electorais das circunscricións galegas, e dende Compromiso por Galicia Lugo analizándoas e centrándonos nas que máis nos interesan, que son as desta provincia, sacamos unha primeira e gran conclusión, todas reflicten unha importante perda de peso político da comarca mariñá.
Se vemos a do Psoe, chama a atención que a candidata pola Mariña vaia no posto catro da lista, cando historicamente esta formación política reservaba o terceiro posto da mesma para a persoa da Mariña.
Ó analizar o conglomerado de En Marea, sospeitamos que as posibles persoas que poidan ir nas listas representando á nosa comarca non o farán nos postos de saída xa que nas listas internas desas formacións as primarias xa non van nos primeiros postos.
Se a todo isto lle axuntamos a perda de peso do PP de Lugo na Xunta, vemos que é preocupante a situación política da comarca da Mariña no próximo parlamento galego, máis tendo en conta que a nosa comarca representa o 40% do PIB provincial.
Á conclusión que chegamos é que Compromiso por Galicia é á única forza política que realmente lle preocupa A Mariña de Lugo, xa que o noso candidato por Lugo é mariñán. Polo tanto, traballaremos para que a cidadanía da comarca vexa que Compromiso Por Galicia é a única alternativa ao PP para que A Mariña continúe a medrar e se desenvolva todo o seu potencial dentro da provincia.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
