Burela, 18 de agosto de 2016. Burela acollerá a última proba do Campionato Galego de Traiñeiras o 27 de agosto. A IV Bandeira A Mariña foi presentada este xoves no Concello e desenvolverase a partir das 17:30 horas.
O alcalde, Alfredo Llano, manifestou que “hoxe tivemos a oportunidade de presentar o que é o Campionato de Traiñeiras que se vai facer na Mariña, primeiro aquí en Burela o 27 de agosto, e despois en Ribadeo. O campionato empezará ás 17:30 horas, durará aproximadamente tres horas, e ao día seguinte será en Ribadeo”.
O rexedor burelés subliñou que “pensamos que para Burela é unha boa oportunidade ver este tipo de campionatos e competicións que é a primeira vez que se vai facer algo así en Burela. Penso que é algo moi vistoso, unha manifestación deportiva moi interesante porque require moito esforzo e dominio. Ademais como temos relación co mar aquí, penso que vai gustar moito esta proba deportiva que será o 27 de agosto”.
Alfredo Llano engadiu que “estivemos falando das cuestións máis importantes. Nosoutros imos facilitar totalmente esta labor e que este campionato sexa o máis bonito posible. Para iso imos facer que o paseo marítimo que corresponde á praia de O Portelo estea perfectamente dotado para que todas as persoas que queiran achegarse ata alí, poidan gozar deste evento deportivo”.
O alcalde de Burela declarou que “imos ver e comprobar cómo resulta aquí a nosa praia para facelo máis veces. Eu penso que pode ser a primeira pedra de algo que vai ser moi atractivo durante o tempo. Hai que ir traendo este tipo de deportes para que sexan coñecidos e pensamos que é unha boa maneira tamén de promocionar o noso mar e o noso concello”.
Alfredo Llano concluíu: “están todos invitados a ver este campionato a partir das cinco e media do día 27 deste mes”.
Osa do Mar
Tamén hoxe tiña lugar no Concello a presentación do festival Osa do Mar. O alcalde aludiu “ao compromiso tanto da Deputación como do Concello con este festival. Imos apoiar institucional e economicamente de forma activa aos promotores deste evento”.
Alfredo Llano salientou que “pensando sempre no ben común de Burela e pensando que este é un aspecto cultural que tamén hai que espallar e darlle a súa importancia. É unha música alternativa que pola súa calidade penso que pode ser moi interesante este fin de semana”.
O alcalde de Burela quixo “invitar a todo o mundo a que se achegue tanto de A Mariña como da provincia da Coruña ou de Asturias aquí a Burela. Van ter unha gran oportunidade de apreciar un aspecto cultural e musical importante, e por outro lado tamén van ter oportunidade de coñecer a nosa vila e gozar do que aquí podemos ofrecer”.
Os dous actos contaron coa participación do responsable da Área de Deportes da Deputación de Lugo, Pablo Rivera.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
