A Mariña, 7 de setembro de 2016. A caravana da mocidade de Galiza Nova estivo este mércores en Ribadeo presentando as principais medidas do BNG para as vindeiras eleccións do 25 de setembro. “Temos un País rico, cheo de vida e de xente que quere traballar e sacalo adiante. Non podemos permitir que siga perdendo xente moza que ten que ser o seu futuro”. Así de contundente se manifestou a candidata mariñá ás eleccións do vindeiro 25 de setembro, Montse Porteiro.
“No BNG temos propostas, temos ideas, sabemos o que queremos e o que precisa este País. Somos conscientes de que o futuro pasa pola mocidade e que non podemos permitirnos perder a ninguén. Hai que poñer a producir a esta terra e a xente nova é o principal motor. Por iso para nós é fundamental contar con ela, témola presente e temos un programa específico de medidas que permitan desenvolver unha Galiza moderna desde nós mesmas”, afirmou.
Desde o BNG apostan por duplicar o investimento en I+D+I e por incorporar ao sistema galego de I+D+i á xente nova “que ten talento, que está preparada e pode achegar o seu saber a este mundo da innovación e da modernización do País”.
A formación nacionalista tamén inclúe no seu programa o denominado Plan Retorna para favorecer a volta a Galiza e a posta ao servizo do País da xente nova con talento e tamén da que emigrou por razóns de necesidade económica.
Garantir emprego de calidade é o mellor xeito de fixar a poboación
Outras das propostas do BNG para a mocidade son a aplicación dun sistema de microcréditos para financiar proxectos de emprego xuvenil, a potenciación do emprendemento mediante empresas de economía social con financiamento tamén de entidades públicas como a banca pública galega, a mellora das condicións laborais e salariais dos contratos de formación e prácticas coa súa equiparación ao salario mínimo interprofesional -que se pretende incrementar na súa dotación-, e un plan de emprego xuvenil plurianual que contemple actuacións en todos os ámbitos, pero sobre todo nos sectores estratéxicos da economía do país para favorecer o relevo xeracional e a incorporación da xente nova.
“Temos que garantir que a xente moza poida optar a quedar na nosa comarca e que volvan as miles de persoas de menos de 35 anos que marcharon nos anos de goberno de Feijoo. A Mariña é rica e ten posibilidades, só precisa dun goberno ao servizo da xente que aposte por investimentos en materia de emprego, de infraestruturas e de servizos públicos, garantindo o acceso aos mesmos a todo o mundo”, explicou Porteiro en referencia aos problemas coa tarxeta sanitaria para as persoas emigradas.
A mocidade é o motor do cambio
A tamén candidata mariñá e membra de Galiza Nova, Andrea Martíns, asegurou que “a xente nova temos a capacidade de mudalo todo. Somos rebeldes e aspiramos a ter un futuro digno. Por iso apostamos polo BNG como unha forza propia que poñerá a este País no centro das decisións e que mudará de raíz as políticas que se viñeron facendo nestes anos.”
“Non podemos permitir que as medidas para a mocidade sexan pagar cartos públicos a empresas alemás para que contraten mozas e mozos a custe cero. Estamos fartas de ver marchar a familiares e amigas. Querémolas a todas aquí, producindo para mellorar Galiza.”
A candidata nacionalista tamén incidiu na necesidade de recuperar os Centros Quérote, desmantelados por Feijoo, e poñelos a disposición da mocidade para contar con unha información afectivo-sexual accesíbel e fiábel, promovendo a igualdade e a diversidade. Igualmente lembrou que para o BNG é prioritario e urxente pór en marcha un Plan galego de prevención e condición social sobre o terrorismo machista para perseguir o machismo no traballo, no ensino ou nos medios públicos.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
