O Grupo de Sendeirismo da ACD.XOVE desprazase o vindeiro domingo 18 á Ribeira Sacra para facer a Ruta Ribeira Sacra do Miño, de 16 quilómetros e dificultade media, con saída en Cima de Atán (Concello de Pantón) e chegada a A Cova (Concello de O Saviñao). Arredor de catro horas e media para camiñar polo medio dos viñedos en plena vendimia onde tamén se pode atopar Arte Sacro do Románico, castros, pequenas aldeas, fervenzas, adegas, bancais, etc. O prezo é de 12 euros para os socios federados, 14 para os non federados, 15 para os non socios federados e 17 para non socios non federados. A saída está prevista para as 07.30 horas dende Xove e o xantar realizarase por conta propia na Área Recreativa da Maiorga. Tamén se aproveitará a viaxe para visitar Ferreira de Pantón. Os interesados e interesadas poden informarse e inscribirse na Piscina Municipal de Xove, a través do móbil 618 97 61 59 ou do e-mail: senderismoxove@gmail.com.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
