O venres, día 9 de setembro, ás 20.00 horas no Colexio Martínez Otero tivo lugar a Asemblea Constituínte do Club de Atletismo “Ría de Foz”. Nesta xuntanza, que foi aberta, congregouse unha trintena de interesados no proxecto e nela puxéronse os primeiros piares do Club.
A Asemblea ratificou o nome e o escudo do Club e, ao mesmo tempo, escolleu a equipación coa que o “Ría de Foz” competirá nas diferentes modalidades.
A aprobación dos Estatutos produciuse pola totalidade dos alí presentes ao igual que maioritaria foi a confianza depositada na primeira Xunta Directiva, que coordinará o Club neste primeiro período. Os alí presentes escolleron a Manuel Eiras como Presidente, a Marcos Loureiro como Secretario, a Antón Leitón como Tesoureiro e a Rosalía Rodríguez-Gigirey como vocal.
Na Asemblea sinalouse que o “Ría de Foz” pretende ser un espazo de encontro para todos os focegos e focegas amantes das diferentes disciplinas do atletismo. Neste proxecto quérese contar con todos os perfís, e con todas as idades, para encher un baleiro existente na nosa vila ata o día de hoxe. Ademais, o Club quere continuar o traballo que base que xa se está a facer nalgún dos Colexios da vila e así posibilitar que a mocidade focega poida practicar o atletismo sen ter que saír da súa vila para facelo.
A vontade de diálogo do “Ría de Foz” será unha das máximas neste primeiro período xa que se falará coas diferentes entidades locais (Concello, Colexios, Clubs Deportivos…) de cara a espallar o proxecto e aumentar así a base social. Na Asemblea recalcouse, tamén, que o Club nace coa vontade de sumar tendendo así a man a futuras colaboracións cos diferentes clubs deportivos existentes na comarca da Mariña.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
