Cristóbal Rodríguez, campión do mundo de Laser Run xunto a Celia Tortosa

O pentatleta internacional mariñán Cristóobal Rodríguez reinicia a temporada cunha sobresaínte actuación. O deportista viveirense que se quedou a dous postos da clasificación internacional para os Xogos de Rio, proclamábase esta fin de semana en Lisboa Campión do Mundo de Laser Run” na proba de substitución mixto e na modalidade de Open División Senior.+

O pentatleta chegaba o venres pola tarde á Cidade de Lisboa acompañado nesta ocasión de técnicos da Federación Galega pola proximidade, despois de pasar os controis de armas e asistir á reunión técnica, acordouse que o mariñán ía competir en dúas das tres modalidades que nesta ocasión ofrecía o mundial: o Mundial Individual e no Mundial de substitución mixto na modalidade Open División Senior.

O sábado daba comezo o campionato ás 11.00 horas; pero a competición do mariñano era ás 21.00 horas da tarde coa dificultade engadida da noite. Unha vez dada a saída e baixo unha calor intensa malia á hora Rodríguez foi avanzando posicións ao longo das combinadas – xa que o Laser Run consiste en carreira e disparo con pistola laser na que o pentatleta debe derribar 20 brancos e percorrer unha distancia de 3200 metros dividida en series de 800 metros-.

Rodríguez conseguía chegar ao terceiro 800 entre os 20 primeiros, pero a presión dos sudáfricanos, os checos, exipcios e suizos foi moi grande sobre o deportista español afeito a estes lances. Aínda asi presentaba batalla e nunhas magníficas secuencias de disparo consiguía saír no último Sprint na décima posición obtendo ao final unha magnéfica sexta praza nun apertado final, malia fallar por quinta vez nunha gran competición a súa arma, polo que o propietario da marca facilitaba un modelo novo a Rodríguez co que competiría na substitución do domingo.

E xa o domingo ás 12.00 horas daba comezo a competición de substitucións mixto que será modalidade olímpica en Tokio. A equipañola estaba formada pola madrileña Celia Tortosa e o galego Cristóbal Rodríguez que se enfrontaba á competición canso da competición do dia anterior, pero con moitas ganas.

Conforme avanzaba a competición, a substitución española afianzábase e na segunda combinada xa marchaba en terceira posición que mantiña ata a saída da cuarta e última combinada onde Rodriguez ao obter vantaxe no tiro saía moi preto do equipo de Croacia e dos sudafricanos aos cales puido vencer finalmente nun prolangado e agónico sprint.