Ribadeo, 12 de setembro de 2016. As Concellarías de Desevolvemento Local e Mocidade presentaron este luns ‘A Chocolateira, a locomotora do emprego’. Trátase dun programa dirixido a 15 persoas desempregadas que estarán titorizadas durante 2 meses para co-xerar novas oportunidades de emprego desde una perspectiva optimista, creativa, innovadora, colaborativa e responsable, para promover o seu talento, acelerar a súa busca de traballo e integración laboral.
O programa está dirixido preferentemente (requisito non imprescindible) a persoas menores de 35 anos e empadroadas en Ribadeo e que ademais teñan a motivación e ganas de participar nun programa como A Chocolateira. Impartirase do 29 de setembro ao 13 de decembro na Casa da Xuventude. O proxecto foi presentado este mediodía polas edís Ana Martínez e Vanesa Yanes, e pola directora de Caixabank “La Caixa” en Ribadeo, Belén Maradona. A inscrición esta aberta ata o día 23. Seis mil euros se destinan ao proxecto, financiados aos 50% polo Concello e por La Caixa.
A concelleira de Desenvolvemento Local, Ana Martínez, manifestou que “o nome A Chocolateira, a locomotora do emprego lembra dun xeito metafórico ao vello ferrocarril que desde Vilaodriz era impulsado entre outras por esta máquina ruidosa que enchía de forza as vías de ferrocarril hoxe inactivas. É un programa de innovación social onde a busca de emprego cobra un novo sentido traballando no desenvolvemento integral dos profesionais e partindo das novas competencias laborais que se precisa no noso mercado actual”.
A edil nacionalista dixo que “é un programa lanzadeira, innovador dentro das súas metodoloxías na nosa contorna, e está dirixido a quince profesionais en busca activa de emprego dende unha dimensión individual e colectiva. Quere facer fincapé nos procesos xerando un ecosistema de colaboración entre as persoas e ha de ser motivador e ao mesmo tempo optimista”.
Ana Martínez subliñou que “as administracións temos unha labor que eu penso que hoxe en día está a pasar en certa medida desapercibida, que é a capacidade de impulsar procesos e de facilitar tamén a motivación e a innovación. O concello de Ribadeo desde as Concellerías de Mocidade e Desenvolvemento Local queren captar esta situación poñendo en marcha A Chocolateira, un proxecto que conta coa colaboración económica de La Caixa, financiando unha importante parte e a quen quero agradecer na persoa de Belén Maradona, directora da oficina de Caixabank de Ribadeo. Quero subliñar que en La Caixa desde o mesmo momento no que presentamos o proxecto nos deron o si inmediato porque creo que eles mesmos tamén entenden a necesidade de afondar e traballar desde esta perspectiva”.
A concelleira ribadense engadiu que “os participantes traballarán de xeito colectivo facendo fincapé na importancia do traballo en equipo, creando unha rede profesional con valor onde compartir coñecemento e acción porque é importante para xerar as oportunidades laborais. Queremos que as persoas sexan capaces de construírse e reconstruírse neste marco laboral e social tan variante que temos agora mesmo”.
Martínez contou que “dentro do que é a clave do proxecto as persoas e o equipo son a parte activa deste proceso, son protagonistas do seu propio proceso de empregabilidade, polo tanto queremos traballar no empoderamento das persoas en si mesmas. O programa debe basearse no traballo en equipo incorporando obxectivos concretos, sinxelos e na medida do posible xerar sinerxias, capacidade para a autoxestión, confianza, positivismo, creo que estes son valores importantes a reforzar neste marco social no que nos encontramos con tantas problemáticas a nivel laboral”.
A concelleira de Desenvolvemento Local precisou que “o contido do programa está dirixido a un equipo de quince persoas, terá unha duración de dous meses, comezará o 29 de setembro e durará ata o 13 de decembro. Será gratuíto para os participantes. Haberá un proceso de selección, o prazo para inscribirse comeza este mesmo luns e estará aberto ata o día 23 deste mes. As instancias para inscribirse poden atoparse na páxina web achocolateira.ribadeo.gal e deben entregarse no propio rexistro do Concello. Deberán ir acompañadas do DNI dos solicitantes xunto coa documentación necesaria para acreditar os requisitos mínimos e outros méritos que se van valorar para a selección deste proxecto”. E engadiu: “tamén entendemos que é importante, pois falamos dun proxecto motivador e de traballo en equipo, unha carta de motivación de porqué as persoas queren facer este curso, o interese e os motivos para participar. A páxina web a partir de hoxe mesmo estará activa e calquera dúbida que a xente queira presentarnos pode facelo no propio Concello ou no número de teléfono 982 128 650”.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
