Cervo, 13 de setembro de 2016. O alcalde de Cervo, Alfonso Villares, aclarou hoxe, martes, que o Concello xa ten encargado desde principios deste ano a elaboración do proxecto para renovar as tubaxes do abastecemento de auga e facer outras melloras nas rúas da zona do Porto de Arriba, en San Ciprián.
“Ante a petición feita onte polo Bloque Nacionalista Galego e tamén algúns veciños de San Ciprián para reclamar o arranxo na zona do Faro de San Ciprián das tubaxes do abastecemento de auga, quero explicar que desde o Concello de Cervo xa levamos desde principios deste ano traballando neste proxecto, que xa se encargou ao equipo redactor a súa elaboración, xa se reuniron cos técnicos municipais e xa estiveron por esa zona mirando todas as rúas do Porto de Arriba, que así se chama este lugar, para facer unha análise de todas as instalacións, non soamente ás do abastecemento de auga senón tamén as de saneamento e outras. Porque a nosa proposta, e así llo indicamos ao equipo redactor, e cambiar todas as instalacións que hai no Porto de Arriba, de San Ciprián. Vamos tamén traballar para levar a cabo o soterramento das liñas eléctricas e telefónicas cando se acometan estes traballos, para os que xa está feito o levantamento topográfico de todas as rúas da zona do Porto de Arriba. A nosa proposta, formulada ao equipo redactor, é non cambiar soamente as instalacións senón tamén pavimentar totalmente as rúas”, explicou o rexedor municipal.
Alfonso Villares engadiu que “é un proxecto ambicioso e será o Concello de Cervo o que sufrague todo o investimento necesario para acometer estas obras. Este proxecto esperamos telo encima da mesa antes de que remate o vindeiro mes de outubro e seguramente empezaremos a executalo no próximo ano, pero antes haberá que pedir os permisos preceptivos, porque esa é unha zona que está afectada por Patrimonio. E unha vez que teñamos esas autorizacións levaremos a cabo estes traballos”.
O alcalde comentou tamén que “moitos veciños do Porto de Arriba xa saben que estamos a facer estas xestións, sábeno perfectamente porque se fixeron os levantamentos topográficos e os técnicos municipais estiveron vendo toda a zona e ademais porque desde o Concello de Cervo consideramos que son unhas obras que hai que facer. Pero vamos pouco a pouco, segundo podemos”.
Ademais Villares lembrou “que hai uns meses anunciamos que outra zona onde tamén é necesario acometer traballos deste tipo é Riocobo, que neste caso contarán con financiamento da Xunta de Galicia cun investimento de máis de 200.000 euros para cambiar as instalacións de abastecemento de auga. E agora o seguinte paso é rematar o proxecto para a zona do Porto de Arriba e acometer as obras, que se van facer nun principio con fondos municipais, se non atopamos outro tipo de financiamento, pero dun xeito ou doutro vanse realizar a partir do próximo ano”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
