Lugo, 17 de setembro de 2016.- Francisco Conde asegurou este sábado en Lugo que a Xunta está do lado dos emprendedores eliminando barreiras e garantindo unhas regras que permitan competir e cooperar, así como creando un clima competitivo que os impulse a mellorar a eficacia, a innovación, e os procesos. O cabeza de lista do PP na provincia avogou ademais polo impulso á creatividade e a imaxinación, de modo que ningunha boa idea empresarial quede sen apoio por falta de financiamento.
Francisco Conde e a candidata Susana López Abella, acompañados pola presidenta do partido en Lugo, Elena Candia, participaron este sábado nun acto sobre o emprendemento feminino en Lugo.
Entre as medidas adoptadas pola Xunta, o candidato do PP por Lugo referiuse á aprobación hai preto de tres anos da Lei de emprendemento. Unha norma que suprimiu as licenzas municipais de obra e actividade para a apertura dun novo negocio, sentou as bases para a creación das Entidades de Certificación de Conformidade Municipal (ECCOM), que facilitan as tramitacións a levar a cabo ante a administración.
A maiores, explicou Conde, puxemos en marcha unha rede de aceleradoras de emprendemento e innovación para captar e canalizar o talento: Vía Galicia, xunto á Zona Franca; e Agrobiotech; con sede na cidade de Lugo, así como os espazos de coworking que estamos a poñer en marcha xunto á EOI, con sedes en Modoñedo e Monforte que abrirán este mesmo mes.
A aposta polo emprendemento na provincia concrétase en 2.700 empresas apoiadas, o 99% delas pemes. E imos a máis, sumando este ano un investimento de 40 millóns de euros para apoiar as políticas activas de emprego, con máis de 24 millóns e euros a prol do fomento do emprego autónomo.
A isto hai que sumar as axudas e os instrumentos financeiros do Igape, que inclúen instrumentos específicos para autónomos e microempresas.
Medidas específicas para mulleres
As mulleres emprendedoras están a facer un uso importante de todos eses servizos. Desde a Unidade Galicia Emprende constatamos, por exemplo que o emprendemento feminino medra de xeito constante: máis do 42% das persoas atendidas, apoiadas e asesoradas pola UGE, desde a súa creación en 2014, foron mulleres.
De feito, segundo o último estudo GEM, a taxa de emprendemento feminino medrou en Galicia nos últimos anos, e en 2014 obsérvase a menor distancia coa taxa de emprendemento masculino desde que se elabora o informe.
Ademais, na fase que se centra nos emprendedores potenciais, o último informe GEM revela que a taxa das mulleres xa supera a dos homes.
Entre as accións levadas a cabo polo Goberno galego Conde subliñou a posta en marcha da Axenda 20 para o Emprego que contén entre as súas medidas a posta en marcha dun Plan de emprego en igualdade para apoiar ás mulleres na consecución do espazo que lles corresponde dentro do mercado laboral. Búscase favorecer tanto a súa inserción por conta allea como facilitando a iniciativa autónoma e emprendedora cando sexa esta a vía seleccionada para traballar. Equilibrar a súa participación en todos os sectores de actividade coa dos homes e fomentar o desenvolvemento da súa carreira profesional e procurar os medios posibles para evitar situacións nas que deban escoller entre a súa vida persoal e profesional.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
